ការងូតទឹកទឹកកក ព្យាបាលសាច់ដុំដោយភាពត្រជាក់

អត្តពលិកត្រូវប្រឈមនឹងភាពអស់កម្លាំងពីការហ្វឹកហាត់ និងការប្រកួតប្រជែង ការប្រើវិទ្យាសាស្ត្រនៃភាពត្រជាក់ ឬដែលហៅថា ICE BATHING មិនត្រឹមតែជួយស្ដារកម្លាំង និងកាត់បន្ថយការរលាកសាច់ដុំប៉ុណ្ណោះទេ ប៉ុន្តែថែមទាំងជួយជំរុញប្រព័ន្ធភាពស៊ាំ បញ្ចូលថាមពលពីភាពអស់កម្លាំងឲ្យត្រឡប់មកមានកម្លាំងឡើងវិញ

ICE BATHING គឺអ្វី

ICE BATHING គឺជាវិធីសាស្ត្រប្រើភាពត្រជាក់សម្រាប់ថែទាំ និងព្យាបាលរាងកាយ ឬដែលហៅថា Cryotherapy Chamber ដោយការជ្រមុជក្នុងទឹកត្រជាក់ដែលមានសីតុណ្ហភាពប្រហែល 10 – 15 អង្សាសេលស្យូស ជ្រមុជប្រហែល 8 – 15 នាទី អាចជ្រមុជទាំងរាងកាយ ឬជ្រមុជតែផ្នែកខ្លះបន្ទាប់ពីហាត់ប្រាណក្នុងរយៈពេល 24 ម៉ោងដំបូង ដែលការប្រើអាងអាចគ្រប់គ្រងសីតុណ្ហភាពត្រជាក់បានល្អក្នុងរយៈពេលខ្លី ដើម្បីព្យាបាលភាពអស់កម្លាំង កាត់បន្ថយការរលាកសាច់ដុំ ស្ដារសាច់ដុំពីការឈឺចាប់ និងបង្កើនសមត្ថភាពឲ្យរាងកាយ ICE BATHING ទទួលបានការពេញនិយមយ៉ាងខ្លាំងក្នុងក្រុមអត្តពលិក ព្រោះជួយឲ្យស្ដារខ្លួនបានល្អបន្ទាប់ពីហ្វឹកហាត់ ឬការប្រកួត 

យន្តការនៃ ICE BATHING មានលក្ខណៈដូចម្តេច

យន្តការនៃ ICE BATHING ប្រើភាពត្រជាក់ពីទឹកកកដើម្បីបន្ថយសីតុណ្ហភាពសាច់ដុំ ធ្វើឲ្យសរសៃឈាមរួញតូច កាត់បន្ថយការហូរឈាមមកកាន់សាច់ដុំ ដូច្នេះកាត់បន្ថយអាការៈឈឺចាប់ ការរលាក និងភាពអស់កម្លាំងដែលកើតឡើង បន្ទាប់ពីធ្វើ ICE BATHING សរសៃឈាមនឹងពង្រីក ការហូរឈាមនឹងប្រសើរឡើង សារធាតុចិញ្ចឹម និងអុកស៊ីសែនអាចទៅចិញ្ចឹមកោសិកា និងអង្គធាតុផ្សេងៗបានល្អជាងមុន

អត្ថប្រយោជន៍នៃ ICE BATHING មានអ្វីខ្លះ

• បន្ធូរអាការៈឈឺចាប់
• កាត់បន្ថយការរលាកសាច់ដុំ 
• បន្ធូរភាពអស់កម្លាំង
• ស្ដាររាងកាយឲ្យបានលឿនឡើង
• កាត់បន្ថយកម្តៅ និងសំណើមបន្ទាប់ពីហាត់ប្រាណ
• ប្រព័ន្ធប្រសាទកណ្ដាលដំណើរការល្អ ធ្វើឲ្យគេងស្រួលជាងមុន

ការប្រុងប្រយ័ត្នពេលធ្វើ ICE BATHING 

អ្នកដែលមានជំងឺប្រចាំកាយគួរពិគ្រោះជាមួយវេជ្ជបណ្ឌិតដោយលម្អិតមុនធ្វើ ICE BATHING ជាពិសេសអ្នកជំងឺលើសសម្ពាធឈាម អាចបណ្តាលឲ្យគាំងបេះដូង ឬសរសៃឈាមរួមតឹងបែកភ្លាមៗ រួមទាំងបើជ្រមុជយូរពេកអាចកើតមានស្ថានភាពត្រជាក់ខ្លាំង (hypothermia) បាន ឬនៅអ្នកជំងឺទឹកនោមផ្អែមប្រភេទទី 1 និង 2 ការបន្ថយសីតុណ្ហភាពក្នុងរាងកាយយ៉ាងឆាប់រហ័សអាចបង្កឲ្យមានផលប៉ះពាល់ដល់រាងកាយ លើសពីនេះ សម្រាប់មនុស្សទូទៅគួរប្រុងប្រយ័ត្នមិនឲ្យជ្រមុជទឹកកកយូរពេក ព្រោះអាចប៉ះពាល់ដល់បេះដូង និងសរសៃឈាមបាន 

ផលរំខានពី ICE BATHING

ពេលរាងកាយស្ថិតនៅសីតុណ្ហភាពត្រជាក់ខ្លាំង អាការៈដែលអាចកើតមានគឺ កន្ទួលក្រហម ស្បែករបក ចង្វាក់បេះដូងមិនទៀងទាត់ បេះដូងเต้นលឿន សម្ពាធឈាមទាប វិលមុខ មួលពងបែកដោយសារត្រជាក់ ជាដើម ដែលមិនមែនកើតមានចំពោះមនុស្សគ្រប់គ្នាទេ ប៉ុន្តែអាចកើតមានបាន ប្រសិនបើមានបញ្ហាប្រព័ន្ធផ្លូវដង្ហើមដូចជា អាស្មា អាការៈអាចធ្ងន់ឡើង

នរណាហាមធ្វើ ICE BATHING

• ស្ត្រីមានផ្ទៃពោះ
• អ្នកដែលមានប្រព័ន្ធលំហូរឈាមមិនប្រក្រតី
• អ្នកជំងឺលើសសម្ពាធឈាម
• អ្នកជំងឺជំងឺបេះដូង

ទោះជាយ៉ាងណាក៏ដោយ ការធ្វើ ICE BATHING គួរធ្វើដោយប្រុងប្រយ័ត្ន ជាពិសេសអត្តពលិកដែលត្រូវប្រើរាងកាយយ៉ាងខ្លាំង គួរត្រួតពិនិត្យសុខភាព និងពិគ្រោះជាមួយវេជ្ជបណ្ឌិតឯកទេស ដើម្បីឲ្យសមស្រប និងត្រៀមខ្លួនរួចរាល់សម្រាប់ការប្រកួតគ្រប់លើកជានិច្ច

មន្ទីរពេទ្យដែលជំនាញក្នុងការថែទាំ និងព្យាបាលរបួសកីឡា

វិទ្យាស្ថានវេជ្ជសាស្ត្រកីឡា និងការហាត់ប្រាណ Bangkok Hospital ឬ BASEM ត្រៀមរួចជាស្រេចក្នុងការថែទាំ និងព្យាបាលគ្រប់របួសកីឡា តាមស្តង់ដារអន្តរជាតិ ដោយក្រុមវេជ្ជបណ្ឌិតឯកទេស និងក្រុមអ្នកជំនាញផ្នែកវេជ្ជសាស្ត្រកីឡាច្រើនវិស័យ គ្របដណ្តប់សេវាកម្មពិនិត្យព្យាបាល និងការវះកាត់ជាមួយបច្ចេកវិទ្យាទំនើប ដើម្បីឲ្យត្រឡប់មកមានសភាពហ្វីតរួចរាល់ចុះទីលានម្ដងទៀត

វេជ្ជបណ្ឌិតដែលជំនាញក្នុងការថែទាំ និងព្យាបាលរបួសកីឡា

Pornthep Mamanee វេជ្ជបណ្ឌិតវះកាត់ឯកទេសផ្នែកវះកាត់ដោយកាំម៉េរ៉ាឆ្លុះសន្លាក់ជង្គង់ និងសន្លាក់ស្មា និងវេជ្ជបណ្ឌិតវេជ្ជសាស្ត្រកីឡា នាយកវិទ្យាស្ថានវេជ្ជសាស្ត្រកីឡា និងការហាត់ប្រាណ (BASEM) Bangkok Hospital 

អាចចុចទីនេះដើម្បីកក់ពេលជួបដោយខ្លួនឯង