ခြေ/လက်ရှိသွေးကြောအချိုးချ စစ်ဆေးခြင်း

သွေးလွှတ်ကြောရောဂါ ဖြစ်စေနိုင်သည့် အခြေအနေများမှာ –

• အသက် ၅၀နှစ်နှင့်အထက်ရှိခြင်း
• လက်ရှိဆေးလိပ်သောက်နေသူ/ ရေရှည်ဆေးလိပ်သောက်ဖူးသူ
• ဆီးချိုရောဂါ
• သွေးတိုးရောဂါ
• သွေးတွင်းအဆီဓာတ်မြင့်တက်ခြင်း
• အဝလွန်ခြင်း (BMI ၂၅ မှတ်နှင့်အထက်)

ခြေ/လက်ရှိသွေးကြောအချိုးချ စစ်ဆေးခြင်း (ABI)၏ အကျိုးကျေးဇူးများ

• ခြေထောက်သွေးလွှတ်ကြောရောဂါများကိုရှာဖွေနိုင်ခြင်း
• ခြေထောက်သွေးလွှတ်ကြောရောဂါများ၏ ပြင်းထန်မှုကို တိုင်းတာနိုင်ခြင်း
• အနာဂါတ်တွင်ဖြစ်လာနိုင်သည့် နှလုံးရောဂါများကို ကြိုတင်ခန့်မှန်းသိရှိနိုင်ခြင်း
• ကုသမှုရလာဒ်ကို တိုင်းတာနိုင်ခြင်း

ခြေထောက်ရှိ သွေးလွှတ်ကြောရောဂါများအား ရှာဖွေနိုင်ခြင်း၏ ထိရောက်မှု

• ရောဂါအား ထိရောက်စွာရှာဖွေနိုင်မှု : ၉၀%
• ရောဂါရှာဖွေခြင်း၏ တိကျမှု : ၉၈%

၎င်းစစ်ဆေးမှုသည် သွေးပေါင်ချိန်တိုင်းသကဲ့သို့ပင် မည်သည့်ဆိုးကျိုးမျှမရှိပါ။

စစ်ဆေးရန်ပြင်ဆင်ခြင်း

၎င်းစစ်ဆေးမှုအတွက် မည်သည့်ပြင်ဆင်မှုမျှမလိုအပ်ပါ။

စစ်ဆေးမှုလုပ်နေစဉ်အတွင်း –

လူနာအား ပက်လက်လှဲအနေအထားတွင် အိပ်စေ၍ သမားရိုးကျသွေးပေါင်ချိန်တိုင်းတာမှုအား လက်မောင်း၂ဖက်လုံးနှင့် ခြေမျက်စိအပေါ်ပိုင်း သွေးလွှတ်ကြောများမှ တိုင်းတာပါမည်။

1. လက်မောင်း၂ဖက်မှ အမြင့်ဆုံးအပေါ်သွေးအမှတ်အား တိုင်းတာပါ။
   • သွေးပေါင်ချိန်စက်မှ လေအိတ်ကို လေစလျှော့သည့်အချိန်မှစ၍ ပထမဆုံးသွေးခုန်သံကြားသည့် အမှတ်အား မှတ်သားပါ။
   • လက်ကောက်ဝတ်သွေးခုန်နှုန်း စတင်စမ်းမိသည့်အမှတ်အား မှတ်သားပါ။
   • ထို ၂ခုမှ အမြင့်ဆုံး အမှတ်အား အသုံးပြုပါမည်။
2. ခြေထောက်၂ဖက်မှ အပေါ်သွေးတိုင်းတာမှု အမှတ်များအား မှတ်သားပါ။
   • သွေးပေါင်ချိန်စက်၏ လက်ပါတ်ကြိုးအား ခြေသလုံးအောက်ပိုင်း ခြေမျက်စိ၏အပေါ်ပိုင်းတွင်ပါတ်ပါ။
   • သွေးကြော အစားထိုး၊ ဖြတ်ဆက်ထားသောနေရာ ရှိပါက ထိုနေရာအား ရှောင်ကြဉ်ပါ။ (သွေးကြောဖြတ်ဆက်ထားရာသွေးကြောထဲ၌ သွေးခဲပိတ်ဆို့မှုအန္တရာယ် ရှိနိုင်သဖြင့်)
   • သွေးကြောပုံရိပ်ဖော် အာထရာစောင်းစက်အား အသုံးပြုပါ။
   • သွေးပေါင်ချိန်စက်မှ လေစလျှော့သည့် အချိန်မှစ၍ ပထမဆုံးသွေးခုန်သံ စကြားရသည့်အမှတ်အား မှတ်သားပါ။
   • Dorsalis pedis သွေးလွှတ်ကြောဖိအားကို တိုင်းတာပါ။
   • Posterior tibial သွေးလွှတ်ကြောဖိအားကို တိုင်းတာပါ။
   • ၎င်း ၂ ခုမှ အမြင့်ဆုံး သွေးလွှတ်ကြောဖိအားကို မှတ်သားပါ။
3. ခြေကျင်းဝတ် ၂ ဖက်မှ သွေးဖိအားနှင့် လက်မောင်းမှ သွေးဖိအားတို့၏ အချိုးကို တွက်ချက်ပါ။
   ခြေကျင်းဝတ်တစ်ဖက်စီ၏ သွေးဖိအားကို လက်မောင်းမှ အမြင့်ဆုံး သွေးဖိအားအမှတ်နှင့် စားပါ။

အဖြေများ အနက်အဓိပ္ပာယ်ဖွင့်ဆိုချက်

1. ခြေကျင်းဝတ်-လက်မောင်း သွေးပေါင်အချိုး >1.4 : သွေးကြောအားဖိအားမပေးနိုင်ခြင်း (အဖြေမှားယွင်းခြင်းများအား အောက်တွင်ဆက်လက် ကြည့်ရှုပါ)
2. ခြေကျင်းဝတ်-လက်မောင်း သွေးပေါင်အချိုး >0.90 : ပုံမှန်
3. ခြေကျင်းဝတ်-လက်မောင်း သွေးပေါင်အချိုး <0.90 : ခြေထောက်သွေးလွှတ်ကြောရောဂါ
4. ခြေကျင်းဝတ်-လက်မောင်း သွေးပေါင်အချိုး<0.6 : ခြေသလုံးကြွက်သားအသုံးပြုချိန်တွင် မကြာခဏနာကျင်သည့် ရောဂါ
5. ခြေကျင်းဝတ်-လက်မောင်း သွေးပေါင်အချိုး <0.5 : သွေးကြောနေရာအဆင့်များစွာတွင် သွေးကြောပိတ်သော ရောဂါ
6. ခြေကျင်းဝတ်-လက်မောင်း သွေးပေါင်အချိုး <0.3 : ခြေထောက်ဆုံးရှုံးသည်အထိဖြစ်နိုင်သော သွေးမလုံလောက်ခြင်းရောဂါ၊ အရေးပေါ်ကုသမှုခံယူရန်လိုအပ်သည်။
7. ခြေကျင်းဝတ်-လက်မောင်း သွေးပေါင်အချိုး <0.26 : ပုံမှန်နားနေသည့် အခြေအနေတွင်ပင် နာကျဉ်မှုရှိခြင်း
8. ခြေကျင်းဝတ်-လက်မောင်း သွေးပေါင်အချိုး <0.2 : ခြေတစ်ချောင်းလုံးပုပ်ခြင်း

အခြားဆက်နွယ်သော စမ်းသပ်မှုများ

1. ခြေချောင်း-လက်မောင်း သွေးပေါင်အချိုး (ပုံမှန်အားဖြင့် 0.7 မှ 0.8 ကြား)
2. ခြေထောက်၏အစိတ်အပိုင်းအမျိုးမျိုးတွင် သွေးပေါင်ချိန်တိုင်း စစ်ဆေးခြင်း
3. သမားရိုးကျ သွေးကြောဓာတ်မှန်ရိုက်ခြင်း
4. ကွန်ပြူတာသွေးကြောဓာတ်မှန်ရိုက်ခြင်း
5. သံလိုက်ဓာတ်မှန်ဖြင့် သွေးကြောဓာတ်မှန်ရိုက်ခြင်း