ခြေ/လက်ရှိသွေးကြောအချိုးချ စစ်ဆေးခြင်း ဆိုသည်မှာ အဘယ်နည်း။
ခြေ/လက်ရှိသွေးကြောအချိုးချ စစ်ဆေးခြင်း (Ankle-Brachial index) သည် ခြေထောက်ရှိ သွေးလွှတ်ကြောရောဂါကိုစစ်ဆေးရန် မြန်ဆန်၍ နာကျင်မှုကင်းမဲ့သော နည်းလမ်းတစ်ခု ဖြစ်ပါသည်။ သွေးလွှတ်ကြောရောဂါဆိုသည်မှာ သွေးတွင်းအဆီခဲပိတ်ခြင်းကြောင့်အဓိကဖြစ်တတ်သော ခြေထောက်နှင့်လက်အတွင်းရှိ သွေးလွှတ်ကြောများ ကျဉ်းခြင်း၊ ပိတ်ခြင်းဖြစ်၍ သက်ဆိုင်ရာ ခြေ/လက် အစိတ်အပိုင်းသို့ သွေးလုံလောက်စွာမရောက်ခြင်းကို ဖြစ်စေပါသည်။ ၎င်းသည် ခြေသလုံးနှင့် ပေါင်ရှိ ကြွက်သားများနာကျဉ်ခြင်းကို ဖြစ်စေတတ်ပြီး ခြေထောက်တွင်အနာပေါက်ခြင်းနှင့် ခြေထောက်ဆုံးရှုူံးခြင်းအထိ ဖြစ်စေနိုင်ပါသည်။ သွေးလွှတ်ကြောရောဂါရှိသူများသည် အလားတူ သွေးတွင်းအဆီခဲပိတ်ခြင်းအခြေအနေမျိုး သွေးလည်ပါတ်မှုစနစ်အတွင်းရှိ အခြားသွေးကြောများတွင်လည်းဖြစ်တတ်ပြီး နှလုံးရောဂါနှင့် လေဖြတ်ခြင်းတို့ ဖြစ်နိုင်သည့်အန္တရာယ်မြင့်မားသူများလည်း ဖြစ်ကြပါသည်။ ခြေ/လက်ရှိသွေးကြောအချိုးချ စစ်ဆေးခြင်း (ABI) သည် ခြေမျက်စိ၌စစ်ဆေးသောသွေးပေါင်ချိန်နှင့် လက်မောင်း၌စစ်ဆေးသောသွေးပေါင်ချိန်တို့အား နှိုင်းယှဉ်သည့် စစ်ဆေးမှုဖြစ်ပါသည်။
ခြေထောက်ရှိ သွေးလွှတ်ကြောရောဂါများအား ရှာဖွေနိုင်ခြင်း၏ ထိရောက်မှု
- ရောဂါအား ထိရောက်စွာရှာဖွေနိုင်မှု : ၉၀%
- ရောဂါရှာဖွေခြင်း၏ တိကျမှု : ၉၈%
၎င်းစစ်ဆေးမှုသည် သွေးပေါင်ချိန်တိုင်းသကဲ့သို့ပင် မည်သည့်ဆိုးကျိုးမျှမရှိပါ။
စစ်ဆေးရန်ပြင်ဆင်ခြင်း
၎င်းစစ်ဆေးမှုအတွက် မည်သည့်ပြင်ဆင်မှုမျှမလိုအပ်ပါ။
စစ်ဆေးမှုလုပ်နေစဉ်အတွင်း –
လူနာအား ပက်လက်လှဲအနေအထားတွင် အိပ်စေ၍ သမားရိုးကျသွေးပေါင်ချိန်တိုင်းတာမှုအား လက်မောင်း၂ဖက်လုံးနှင့် ခြေမျက်စိအပေါ်ပိုင်း သွေးလွှတ်ကြောများမှ တိုင်းတာပါမည်။
- လက်မောင်း၂ဖက်မှ အမြင့်ဆုံးအပေါ်သွေးအမှတ်အား တိုင်းတာပါ။
- သွေးပေါင်ချိန်စက်မှ လေအိတ်ကို လေစလျှော့သည့်အချိန်မှစ၍ ပထမဆုံးသွေးခုန်သံကြားသည့် အမှတ်အား မှတ်သားပါ။
- လက်ကောက်ဝတ်သွေးခုန်နှုန်း စတင်စမ်းမိသည့်အမှတ်အား မှတ်သားပါ။
- ထို ၂ခုမှ အမြင့်ဆုံး အမှတ်အား အသုံးပြုပါမည်။
- ခြေထောက်၂ဖက်မှ အပေါ်သွေးတိုင်းတာမှု အမှတ်များအား မှတ်သားပါ။
- သွေးပေါင်ချိန်စက်၏ လက်ပါတ်ကြိုးအား ခြေသလုံးအောက်ပိုင်း ခြေမျက်စိ၏အပေါ်ပိုင်းတွင်ပါတ်ပါ။
- သွေးကြော အစားထိုး၊ ဖြတ်ဆက်ထားသောနေရာ ရှိပါက ထိုနေရာအား ရှောင်ကြဉ်ပါ။ (သွေးကြောဖြတ်ဆက်ထားရာသွေးကြောထဲ၌ သွေးခဲပိတ်ဆို့မှုအန္တရာယ် ရှိနိုင်သဖြင့်)
- သွေးကြောပုံရိပ်ဖော် အာထရာစောင်းစက်အား အသုံးပြုပါ။
- သွေးပေါင်ချိန်စက်မှ လေစလျှော့သည့် အချိန်မှစ၍ ပထမဆုံးသွေးခုန်သံ စကြားရသည့်အမှတ်အား မှတ်သားပါ။
- Dorsalis pedis သွေးလွှတ်ကြောဖိအားကို တိုင်းတာပါ။
- Posterior tibial သွေးလွှတ်ကြောဖိအားကို တိုင်းတာပါ။
- ၎င်း ၂ ခုမှ အမြင့်ဆုံး သွေးလွှတ်ကြောဖိအားကို မှတ်သားပါ။
- ခြေကျင်းဝတ် ၂ ဖက်မှ သွေးဖိအားနှင့် လက်မောင်းမှ သွေးဖိအားတို့၏ အချိုးကို တွက်ချက်ပါ။
ခြေကျင်းဝတ်တစ်ဖက်စီ၏ သွေးဖိအားကို လက်မောင်းမှ အမြင့်ဆုံး သွေးဖိအားအမှတ်နှင့် စားပါ။
