မျက်စိသည် တစ်ဦးနှင့်တစ်ဦးဆက်သွယ်ရာ၌ အရေးကြီးဆုံးဖြစ်သည့် အမြင်အာရုံကိုပေးသော ကိုယ်ခန္ဓာအစိတ်အပိုင်းဖြစ်ပြီး ပြင်ပလောကနှင့် ခန္ဓာကိုယ်ကြားဆက်သွယ်ပေးသော အစိတ်အပိုင်းဖြစ်ပါသည်။ မျက်စိသည် အထိခိုက်လွယ်ပြီး သင့်လျော်သော ကာကွယ်စောင့်ရှောက်မှုများမရှိပါက အမြင်အာရုံဆုံးရှုံးနိုင်ပါသည်။ ယခုအခါတွင် မျက်စိအခြေအနေများအားလုံးအတွက် နည်းပညာနှင့် အမြင်အာရုံကုသမှုများ တိုးတက်လာပြီဖြစ်ပါသည်။
ဘန်ကောက်မျက်စိအထူးကုစင်တာတွင် ပြီးပြည့်စုံသောစစ်ဆေးကုသမှုများသာမက ဒစ်ဂျစ်တယ်အမြင်လွှာကင်မရာ (မျက်စိအတွင်းမျက်နှာပြင်အား ဓာတ်ပုံရိုက်နိုင်သော အထူးဖန်တီးထားသည့် အဏုကြည့်မှန်ပြောင်း)၊ ခွဲရာအသေးဆုံးဖြင့်မှန်ပြောင်းဖြင့် အမြင်လွှာကွာကျခြင်းကို ခွဲစိတ်ပြုပြင်ခြင်းနှင့် ရေတိမ်ခွဲစိတ်ပြုပြင်ခြင်း အစရှိသော နောက်ဆုံးအဆင့်မီနည်းပညာစက်ကိရိယာများကို အသုံးပြုပြီး ခွဲစိတ်ကုသနည်းလမ်းများကို ဆောင်ရွက်ပေးနိုင်ပါသည်။
မျက်လုံးအမြင်အာရုံအတွက်အသေးစိတ်စစ်ဆေးခြင်း၊ မျက်မှန်မလိုအောင် မျက်စိအလင်းယိုင်ခွဲစိတ်ခြင်း၊ အမြင်အာရုံစမ်းသပ်ခြင်းနှင့် ရေတိမ်ရှိ/မရှိ မျက်စိအတွင်းဖိအားတိုင်းတာခြင်း အစရှိသော စစ်ဆေးမှုများအပြင် ဆီးချိုကြောင့်ဖြစ်သောမျက်စိရောဂါ၊ ရေတိမ်နှင့် အတွင်းတိမ် စသောရောဂါများအတွက် ခေတ်မီသောကုသနည်းများကိုပါ ဝန်ဆောင်မှုပေးလျက်ရှိပါသည်။
စင်တာတွင် အထူးကုဆေးခန်း ၅ မျိုးရှိပါသည်။
- မျက်ကြည်လွှာဆေးခန်း (Cornea Clinic)
- မျက်စိနှင့်ပတ်သက်သောအလှအပဆိုင်ရာပြန်လည်ပြုပြင်ရေးဆေးခန်း (Oculoplastic Clinic)
- ရွေ့လျားမျက်စိဆေးခန်း (Mobile Eye Clinic)
- ရေတိမ်ဆေးခန်း (Glaucoma Clinic)
- မျက်စိလေဆာကုသမှုဆေးခန်း (Lasik Clinic)
မျက်စိစင်တာတွင်ရရှိနိုင်သော ကုသမှုများ
မျက်စိနှင့်ပတ်သက်သောခွဲစိတ်ကုသမှုများကို အဓိကအားဖြင့် ၂ ပိုင်း ခွဲခြားထားပါသည်။
- မျက်စိနှင့်ပတ်သက်သောအလှအပဆိုင်ရာပြန်လည်ပြုပြင်ခြင်းတွင် မျက်အိတ်တွဲခြင်း၊ မျက်အိတ်ဖောင်းခြင်း၊ မျက်စိအတွင်းဖက်သို့လှည့်၍ မျက်တောင်များပေါက်နေခြင်း၊ မျက်ရည်စီးဆင်းသောစနစ် ကောင်းစွာအလုပ်မလုပ်ခြင်း၊ မျက်တွင်းရိုးကျိုးခြင်းနှင့် နောက်ဆက်တွဲဆိုးကျိုးများအတွက် ပြန်လည်ပြုပြင်ခွဲစိတ်ခြင်းများပါဝင်ပါသည်။
- မျက်မှန်မလိုအောင် မျက်စိအလင်းယိုင်ခွဲစိတ်ခြင်းသည် အနည်းငယ်မှ အလယ်အလတ်မျက်စိပြဿနာများကို ပြုပြင်ပေးနိုင်သည့်အတွက် အဖြစ်များသောအမြင်အာရုံချို့ယွင်းမှုများ (အနီးမှုန်ခြင်း၊ အဝေးမှုန်ခြင်းနှင့် မျက်လုံးပုံစံ/မျက်ကြည်လွှာ/မှန်ဘီလူး ပုံစံမမှန်ခြင်းကြောင့် အမြင်ဝေဝါးခြင်း) ကိုလျော့ချခြင်း သို့မဟုတ် ပျောက်ကင်းအောင်ကုသပေးနိုင်ပါသည်။ မျက်စိလေဆာကုသခြင်းသည် အမြင်ကောင်းမွန်ရန်အတွက် လေဆာဖြင့် မျက်ကြည်လွှာကိုပြန်လည်ပုံဖော်ပြီး တိကျသောခွဲစိတ်ကိရိယာ၊ ဓားသွားဖြင့် မျက်ကြည်လွှာကိုဟရသော မျက်စိအလင်းယိုင်ခွဲစိတ်မှုတစ်မျိုးဖြစ်ပါသည်။ လူနာအများစုမှာ မျက်စိလေဆာကုသပြီးနောက် မျက်မှန်/မျက်ကပ်မှန်ဆက်လက်တပ်စရာ မလိုအပ်တော့ပါ။
- အဆင့်မြင့်အတွင်းတိမ်ခွဲစိတ်ခြင်း – အတွင်းတိမ်သည် နာကျင်မှုမရှိဘဲ မျက်စိမှန်ဘီလူးတွင် တိမ်ထူထပ်သလိုနေရာများဖြစ်ပေါ်လာခြင်းဖြစ်ပြီး များသောအားဖြင့် အသက်ကြီးသူများတွင်တွေ့ရတတ်ပါသည်။ Phacoemulsification ဟုခေါ်သော နည်းပညာတွင် အတွင်းတိမ်များကို အသံလှိုင်းဖြင့်ဖြိုခွဲပြီး အစားထိုးမှန်ဘီလူးများကိုထည့်သွင်းကာ မျက်စိအလင်းယိုင်နိုင်စွမ်းကို ကောင်းမွန်အောင်ပြုလုပ်နိုင်ပါသည်။