BIPLANE DIGITAL SUBTRACTION ANGIOGRAPHY (DSA)
အဓိကကျသောသွေးခဲကို အတည်လိုပြုပါက ဦးနှောက် သံလိုက် ဓာတ်မှန် (MRI)ဖြင့်စကင်န်ဖတ်ပြီး ၎င်း၏တည်နေရာ ကိုသေချာစေရန် အရောင်တစ်မျိုးရှိသော အရည်တစ်မျိုး (contrast material) ကိုသွေးကြောထဲသို့ ထိုးသွင်းမည်ဖြစ်ပါသည်။ ထို့နောက် ခွဲစိတ်ရာအနည်းဆုံး ကုသမှုဖြင့် သွေးခဲကိုဖယ်ရှားရန် သေးငယ်သောပိုက်ပြွန်(catheter) ကို ပေါင်ခြံရှိသွေးလွှတ်ကြောမှတစ်ဆင့် ထည့်သွင်းပါမည်။ ထို့နောက် ဦးနှောက်ခွဲစိတ်ရန်မလိုအပ်ဘဲ သွေးခဲများကို စုပ်ထုတ်ခြင်း သို့မဟုတ် ဆွဲထုတ်ခြင်းတို့ကို လုပ်ဆောင်ပြီး သွေးလွှတ်ကြောချဲ့ရန်အတွက် သေးငယ်သောဝါယာပြွန်(stent) ကို တပ်ဆင်ပါမည်။ သေးငယ်သော သွေးကြောများသည်နုနယ်ပြီး ပျက်စီးနိုင်သောကြောင့် အဆိုပါကုသမှုကို ကျွမ်းကျင်သော ဓာတ်မှန်ဗေဒပညာရှင်နှင့် ဦးနှောက်အာရုံကြောခွဲစိတ်ဆရာဝန်များအဖွဲ့မှ လုပ်ဆောင်ရမည်ဖြစ်ပါသည်
လေဖြတ်ခြင်းမှပြန်လည်ထူထောင်ရေး
စောလျင်စွာပြန်လည်ထူထောင်ရေးလုပ်ဆောင်ခြင်းသည် ဦးနှောက်နှင့် ကြွက်သားလုပ်ဆောင်မှုကို မြန်ဆန်စွာ ပြန်လည်ကောင်းမွန်လာစေပါသည်။ ကြွက်သားအားနည်းခြင်း၊ အသက်ရှူလမ်းကြောင်းပိုးဝင်ခြင်းနှင့် သွေးပြန်ကြောပိတ်ဆို့ခြင်းစသည့် အမျိုးမျိုးသော နောက်ဆက်တွဲပြဿနာများကိုလည်း ကာကွယ်တားဆီးပေးနိုင်ပါသည်။ ပြန်လည်ထူထောင်ရေးတွင် ခန္ဓာကိုယ်ကြွက်သားများပြန်လည်သန်မာခြင်း၊ အစာမျိုချခြင်း၊ စကားပြောခြင်းနှင့် အသက်ရှုခြင်းဆိုင်ရာစသည့်စွမ်းဆောင်ရည်များ ပါဝင်ပါသည်။ ဦးနှောက်ပြန်လည်ကျန်းမာလာခြင်းတွင် မှတ်ဉာဏ်များပြန်လည်ရရှိခြင်း ၊ လုပ်ငန်းဆောင်တာများကို ပြန်လည်လုပ်ဆောင်ခြင်းနှင့် စိတ်ကျန်းမာရေးအတွက် စိတ်ပိုင်းဆိုင်ရာပံ့ပိုးထောက်ပံ့မှုတို့ပါဝင်ပါသည်။
