ဘန်ကောက်ဆေးရုံကြီးရှိကျောက်ကပ်စင်တာသည် ကျောက်ကပ်ရောဂါဝေဒနာရှင်များကို ဆေးဝါးကုသရန် အကောင်းမွန်ဆုံးစောင့်ရှောက်မှုပေးနေပါတယ်။ ခေတ်မီနည်းပညာများဖြင့် ကျွန်ုပ်တို့၏အဆင့်မြင့် ရောဂါရှာဖွေခြင်းနှင့် ကုသခြင်းများသည် နာတာရှည်ကျောက်ကပ်ရောဂါများအပါအဝင် ကျယ်ပြန့်သော ကျောက်ကပ်လုပ်ဆောင်ချက်ဆိုင်ရာအခြေအနေများကို ထိရောက်စွာကုသမှုများကြောင့် တိတိကျကျသိရှိနိုင်စေနိုင်မှာဖြစ်ပါတယ်။
ဘန်ကောက်ဆေးရုံကြီး၏ ကျောက်ကပ်အထူးကုစင်တာသည် ကျောက်ကပ်ရောဂါဝေဒနာရှင်များအတွက် ပြည့်စုံသော စောင့်ရှောက်ကုသမှုပေးလျက်ရှိပါသည်။ နာတာရှည်ကျောက်ကပ်ရောဂါအပါအဝင် ကျောက်ကပ်ရောဂါအမျိုးမျိုးကို ခေတ်မီနည်းပညာများဖြင့် စစ်ဆေးခြင်း၊ ကုသခြင်းများ ပြုလုပ်နိုင်ပါသည်။ လူနာတစ်ဦးချင်းစီအတွက် လိုအပ်သော ကုသမှုများကို အတွေ့အကြုံရင့်ကျက်သော ကျောက်ကပ်အထူးကုဆရာဝန်ကြီးများ၊ သူနာပြုများ၊ ဆေးဝါးပညာရှင်များနှင့် ကျောက်ကပ်ရောဂါလူနာများအတွက် သင့်လျော်သောအစားအသောက် လမ်းညွှန်မှုပေးသည့် အာဟာရဆိုင်ရာပညာရှင်များအဖွဲ့မှ စောင့်ရှောက်ကုသမှုပေးလျက်ပါသည်။ မိမိကျောက်ကပ်ရောဂါအခြေအနေကို ကောင်းစွာထိန်းချုပ်နိုင်ရန်နှင့် ရေရှည်တွင် မိမိကျောက်ကပ်ရောဂါ ပိုမိုဆိုးရွားမှုမရှိစေရန် မိမိလူနေမှုပုံစံပြောင်းလဲခြင်း၊ မိမိကျောက်ကပ်ရောဂါအခြေအနေနှင့် ကိုက်ညီမှုရှိသော အစားအသောက်ပုံစံ ပြောင်းလဲစားသောက်ခြင်း စသည့် အကောင်းဆုံးအကြံဉာဏ်များကိုပါ ကျွန်ုပ်တို့ ကျွမ်းကျင်ဆရာဝန်များအဖွဲ့မှ မျှဝေမှာ ဖြစ်ပါသည်။ ထို့အပြင် ပြင်းထန်သောနောက်ဆက်တွဲဆိုးကျိုးဖြစ်နိုင်သည့် သွေးတွင်း အီလက်ထရိုလိုက် ဓာတ်ဆားမညီမျှမှု (ဥပမာ သွေးထဲတွင် ဆိုဒီယမ် များခြင်း/ နည်းခြင်း၊ သွေးထဲတွင် ပိုတက်စီယမ် များခြင်း/ နည်းခြင်း) တို့ကို စစ်ဆေးခြင်း၊ ကုသခြင်းတို့ဖြင့်လည်း စောင့်ရှောက်ပေးလျက်ရှိပါသည်။
ကျွန်ုပ်တို့၏ စင်တာတွင် အောက်ပါဝန်ဆောင်မှုများတွင် ရရှိနိုင်ပါသည်။
- ကျောက်ကပ်လုပ်ဆောင်ချက်ကို တိုင်းတာရန် သွေးစစ်ဆေးခြင်း
- ကျောက်ကပ်ရောဂါကြောင့်ဖြစ်နိုင်သော နောက်ဆက်တွဲပြဿနာများကို သိရှိရန် သွေးစစ်ဆေးခြင်း
- ကျောက်ကပ်လုပ်ဆောင်ချက်ကို တိုင်းတာရန် ဆီးစစ်ဆေးခြင်း
- ကျောက်ကပ်အခြေအနေနှင့် လုပ်ဆောင်ချက် မူမမှန်မှုများကို သိရှိရန် ပုံရိပ်ဖော်စစ်ဆေးမှုများ ဥပမာ ကျောက်ကပ်ကိုအာထရာဆောင်းရိုက်ခြင်း၊ ကွန်ပြူတာဓာတ်မှန်ရိုက်ခြင်း၊ ပုံရိပ်ဖော်သံလိုက်ဓာတ်မှန်ရိုက်ခြင်း နှင့် နျူကလီးယားရေဒီယိုသတ္တိကြွပစ္စည်းဖြင့် ကျောက်ကပ်ပုံရိပ်ရိုက်ခြင်း (သို့) နျူကလီးယားဆေးပညာဖြင့် ကျောက်ကပ်ပုံရိပ်ကြည့်ခြင်း
- ကျောက်ကပ်ရောဂါအတွက် တိကျသေချာသောအဖြေရရှိစေရန် အသားစယူ စစ်ဆေးခြင်း
ကျောက်ကပ်ရောဂါ လူနာများအတွက် ပြီးပြည့်စုံသောစောင့်ရှောက်မှု
- ဆီးချိုရောဂါ၊ သွေးတိုးရောဂါ၊ ကျောက်ကပ်ရောင်ရမ်းခြင်း၊ ကျောက်ကပ်ရေအိတ်တည်ခြင်း၊ ကျောက်ကပ်ကျောက်တည်ခြင်းနှင့် ဆီးတွင် ပရိုတင်းဓာတ်များခြင်း ကဲ့သို့သော ကျောက်ကပ်ရောဂါဖြစ်ခြင်း၏ အကြောင်းရင်းကို စစ်ဆေးကုသခြင်း
- သွေးတွင်း အီလက်ထရိုလိုက် ဓာတ်ဆားမညီမျှခြင်း၊ သတ္တုဓာတ်နှင့် အရိုးဆိုင်ရာပြဿနာများဖြစ်လာခြင်း၊ ဇီဝကမ္မဖြစ်စဉ်မူမမှန်ခြင်းနှင့် သွေးအားနည်းခြင်း စသည့် ကျောက်ကပ်ရောဂါများကြောင့် ဖြစ်ပေါ်လာသောနောက်ဆက်တွဲပြဿနာများကို ကုသခြင်း
- အစားအသောက်နှင့် လူနေမှုဘဝပုံစံ ပြောင်းလဲနေထိုင်ခြင်းဖြင့် ရောဂါပိုမိုဆိုးရွားလာမှု မဖြစ်အောင် လမ်းညွှန်ပေးခြင်း
- ကျောက်ကပ်သွေးသန့်စင်ခြင်းနှင့် ကျောက်ကပ်အစားထိုးကုသခြင်းဖြင့် ကျောက်ကပ်၏လုပ်ငန်းဆောင်တာများကို ပြန်လည်ကောင်းမွန်လာစေခြင်း
ကျောက်ကပ်သွေးသန့်စင်ခြင်း ဝန်ဆောင်မှုများ
- ရုတ်တရက်ကျောက်ကပ်အလုပ်မလုပ်သော လူနာများအတွက် ကျောက်ကပ်သွေးသန့်စင်ခြင်း (Acute hemodialysis)
- နာတာရှည်ကျောက်ကပ်ရောဂါ/ ကျောက်ကပ်လုံးဝပျက်စီးနေသောအခြေအနေအတွက် ရေရှည်ကျောက်ကပ်သွေးသန့်စင်ခြင်း (Chronic hemodialysis)
- High-flux dialyzer ကို အသုံးပြု၍ ကျောက်ကပ်သွေးသန့်စင်ခြင်း (On-line hemodiafiltration)
- ကျောက်ကပ်သွေးသန့်စင်ခြင်း (Plasmapheresis)
- ကျောက်ကပ်သွေးသန့်စင်ခြင်း (Hemoperfusion)
ကျောက်ကပ်ရောဂါဆိုင်ရာ ကုသမှု
ကျောက်ကပ်ရောဂါကြောင့်ဖြစ်နိုင်သော နောက်ဆက်တွဲပြဿနာများကို ကာကွယ်ရန်နှင့် ရောဂါပိုမိုဆိုးရွားမှု မဖြစ်လာစေရန် ဆရာဝန်ကြီးများမှ ပြီးပြည့်စုံသော စောင့်ရှောက်ကုသမှုပေးလျက်ရှိပါသည်။ သင့်လျော်သော ကုသမှုများကို လူနာ၏အခြေနေပေါ်မူတည်၍ ကုသမှုပေးလျက်ရှိပြီး လူနာ၏ နေထိုင်မှုဘဝအရည်အသွေး တိုးတက်ကောင်းမွန်စေရန် အစဥ်အလေးထား ဆောင်ရွက်လျက်ရှိပါသည်။
