မျိုးပွားခြင်းဆိုင်ရာဆေးပညာတွင် လိင်ပညာပေးခြင်း၊ အပျိုဖော်ဝင်ခြင်း၊ အိမ်ထောင်တစ်ခုတွင် သားသမီးယူမည့် မိသားစုစီမံကိန်း၊ သားဆက်ခြားခြင်း၊ သားသမီးမထွန်းကားခြင်း၊ (လိင်မှတဆင့် ကူးစက်တတ်သောရောဂါများအပါအဝင်) မျိုးပွားအဖွဲ့အစည်း၏ပုံမှန်လုပ်ဆောင်မှုကို ထိခိုက်စေသောရောဂါများတို့ ပါဝင်ပါသည်။ ဓမ္မတာလာခြင်း၊ သားဥကြွေခြင်း၊ ကိုယ်ဝန်ဆောင်ခြင်းနှင့် သွေးဆုံးခြင်းဆိုင်ရာ ကိစ္စများသည်လည်း ဤဆေးပညာတွင် ပါဝင်ပါသည်။
ကိုယ်ဝန်ရရှိရန် ခက်ခဲနေခြင်းကို ရောဂါတစ်ခုဟု မယူဆသော်လည်း စိတ်ပိုင်းဆိုင်ရာစိန်ခေါ်မှုများသည် အမျိုးသမီး/ အမျိုးသား သို့မဟုတ် ဇနီးမောင်နှံနှစ်ဦးစလုံးအပေါ် သက်ရောက်မှုရှိနိုင်ပါသည်။
ဘန်ကောက်ဆေးရုံကြီးတွင် အမျိုးသားအမျိုးသမီးစုံတွဲများ၊ မိသားစုဝင်များ၊ ဆေးဘက်ဆိုင်ရာ ကျွမ်းကျင်ပညာရှင်များ၊ ပံ့ပိုးကူညီမှုအဖွဲ့များ၊ တစ်ဦးချင်းကျန်းမာရေးစစ်ဆေးခြင်းနှင့် ကုသမှုများအတွက် မျိုးပွားမှုဆိုင်ရာ အထူးကုဆရာဝန်များနှင့် တိုင်ပင်ဆွေးနွေးနိုင်ပါသည်။
စင်တာတွင် အောက်ပါ ပြည့်စုံသော မျိုးပွားမှုဆိုင်ရာနည်းပညာများနှင့် ဝန်ဆောင်မှုများရရှိနိုင်ပါသည်။
– သားအိမ်အတွင်းသို့ သုတ်ရည် ထည့်သွင်းပေးခြင်း (Intrauterine Insemination/ IUI)
သည် အရိုးရှင်းဆုံးနှင့် ကုန်ကျစရိတ်အသက်သာဆုံးသော နည်းလမ်းဖြစ်သည်။ သုတ်ရည်များကို ဓာတ်ခွဲခန်းတွင် စစ်ဆေးပြီး သုတ်ရည်ကြည်မှ အရည်အသွေးကောင်းမွန်သော သုတ်ပိုးများကိုခွဲထုတ်ကာ သားအိမ်အတွင်းထည့်ခြင်းဖြင့် သုတ်ပိုးဆဲလ်အရေအတွက် အများဆုံးဖြစ်စေသောကြောင့် သန္ဓေတည်ရန် အခွင့်အလမ်းများစေပါသည်။
- Gamete Intrafallopian Transfer (GIFT)
- GIFT နည်းလမ်းသည် မျိုးဥများကို အမျိုးသမီး၏ သားဥအိမ်မှ ထုတ်ယူပြီး အမျိုးသား၏သုတ်ပိုးနှင့်အတူ သားဥပြွန်တစ်ခုတွင် ပြန်ထည့်ကာ သန္ဓေအောင်စေပါသည်။ ထိုနည်းလမ်းသည် အမျိုးသမီးတွင် သန္ဓေအောင်မှုကိုမြင့်မားစေနိုင်ပါသည်။
- Zygote Intrafallopian Transfer (ZIFT)
- ZIFT နည်းလမ်းသည် GIFT နည်းလမ်းနှင့်ဆင်တူပြီး မွေးလမ်းကြောင်းမှ သန္ဓေသားလောင်းထည့်ရန်ခက်သောအခြေအနေတွင် အသုံးပြုနိုင်သောနည်းလမ်းဖြစ်သည်။ မမျိုးဥဆဲလ်များကို အမျိုးသမီး၏သားဥအိမ်မှ ထုတ်ယူပြီး ဖန်ပြွန်အတွင်း သန္ဓေအောင်စေပြီးနောက် ရရှိလာသော မျိုးအောင်သန္ဓေကို အန္တရာယ်အနည်းဆုံး ခွဲစိတ်မှုအသေးစားဖြင့် သားအိမ်ပြွန်အတွင်းသို့ ပြန်ထည့်ပေးပါသည်။ ဤနည်းပညာသည် အလွန်အောင်မြင်မှုနှုန်းများသောနည်းဖြစ်ပါသည်။
- ဖန်ပြွန်သန္ဓေသားနည်းပညာ (In Vitro Fertilization/ IVF)
- ဖန်ပြွန်သန္ဓေသားနည်းပညာ (IVF) သည် အခြားမျိုးပွားမှုဆိုင်ရာနည်းပညာများဖြင့် ကိုယ်ဝန်မဆောင်နိုင်သူများတွင် ကြိုးစားနိုင်သော အောင်မြင်မှုများသောနည်းပညာ ဖြစ်သည်။ အမျိုးသား၏သုတ်ပိုးနှင့် အမျိုးသမီး၏မျိုးဥများကို အမျိုးသမီး၏ ခန္ဓာကိုယ်အပြင်ဘက်တွင် ပေါင်းစပ်ပြီး သန္ဓေအောင်စေခြင်းဖြစ်ပါသည်။ အဆိုပါနည်းပညာသည် မျိုးဥကြွေခြင်းဖြစ်စဉ်ကို ဟော်မုန်းဆေးဖြင့် ထိန်းချုပ်ကာ အမျိုးသမီး၏သားဥအိမ်မှ မျိုးဥများကိုထုတ်ယူပြီး သုတ်ပိုးများနှင့် ဓာတ်ခွဲခန်းတွင် သန္ဓေအောင်စေပါသည်။ ထို့နောက် မျိုးအောင်လာသောသန္ဓေသားကို အမျိုးသမီး၏သားအိမ်တွင်း ထည့်ပေးပြီး အောင်မြင်သော ကိုယ်၀န်ဆောင်ခြင်းကို ရရှိစေပါသည်။
- မမျိုးဥတွင်းသို့ သုတ်ပိုးတိုက်ရိုက်ထိုးသွင်းသန္ဓေအောင်စေနည်း (Intracytoplasmic Sperm Injection/ ICSI)
- မမျိုးဥတွင်းသို့ သုတ်ပိုးတိုက်ရိုက်ထိုးသွင်းသန္ဓေအောင်စေနည်း (ICSI) သည် ဖန်ပြွန်သန္ဓေသားနည်းတစ်မျိုးဖြစ်ပြီး သုတ်ပိုးတစ်ကောင်ကို မမျိုးဥထဲသို့ တိုက်ရိုက်ထိုးသွင်းခြင်းဖြစ်သည်။ ဤနည်းကို အမျိုးသားတွင် သုတ်ပိုးအရေအတွက် အလွန်နည်းခြင်း သို့မဟုတ် သုတ်ပိုးလှုပ်ရှားမှုအလွန်နည်းသောအခြေအနေတွင်သုံးရန် အကြံပြုပါသည်။
- သုတ်ပိုးအေးခဲခြင်း
- အထူးဓာတ်ခွဲခန်း
- သန္ဓေသားလောင်းဓာတ်ခွဲခန်း
- သန္ဓေသားလောင်းကို ဓာတ်ခွဲခန်းတွင် ကြီးထွားစေခြင်း (Blastocyst culture)
- သန္ဓေသားလောင်း၏အပြင်ဘက်ဆုံးလွှာကို လေဆာဖြင့် အပေါက်ငယ်ဖြစ်အောင် ပြုလုပ်ပေးပြီးမှ မိခင်၏ သားအိမ်အတွင်းသို့ ပြန်ထည့်ပေးခြင်း (Laser Assisted Hatching)
- Andrology ဓာတ်ခွဲခန်း၊ သုတ်ပိုးဓာတ်ခွဲခန်း
- သုတ်ရည်စစ်ဆေးခြင်း။
- သုတ်ပိုးစစ်ဆေးရာတွင် တိကျသောအဖြေရရှိစေရန် ကွန်ပျူတာစနစ်ဖြင့် စစ်ဆေးခြင်း (Computer Aided Sperm Analysis/ CASA)
- သုတ်ပိုးလှုပ်ရှားမှုကို စစ်ဆေးတွက်ချက်ခြင်း (Sperm Kinematic)
- သုတ်ပိုး၏ပုံသဏ္ဌာန် (Sperm Morphology)
- သုတ်ပိုးရွေးချယ်ခြင်း (Sperm Selection)
ဆရာဝန်ကြီးများသည် အမျိုးသားနှင့် အမျိုးသမီးများတွင် မျိုးပွားခြင်းဆိုင်ရာ အခက်အခဲကို ရှာဖွေစစ်ဆေးရာတွင် အောက်ပါအကြောင်းရင်း ၃ ခုကို ဂရုပြုစစ်ဆေးပါသည်။
(၁) မျိုးဥ မကြွေခြင်း
(၂) သားဥပြွန်ပိတ်ခြင်း (Fallopian Tube Obstruction) နှင့် သားအိမ်တစ်သျှူးနေရာလွဲမှားစွာရှိခြင်း (Endometriosis)
(၃) အမျိုးသားများတွင် သုတ်ပိုးနည်းခြင်း