အသစ်ပြန်လည်ဆန်းသစ်ထားသော ကလေးကျန်းမာရေးစင်တာ
သင့်ကလေးအတွက် ပြီးပြည့်စုံသောကျန်းမာရေးစောင့်ရှောက်မှု
ကလေးကျန်းမာရေးစင်တာ ပြန်လည်မွမ်းမံမှု ပြီးစီးပြီဖြစ်သောကြောင့် သင့်ကလေးအတွက် နွေးထွေးပြီး သက်သောင့်သက်သာရှိသော ဝန်းကျင်တွင် အပြည့်စုံဆုံးသော စောင့်ရှောက်မှုကို ပေးဆောင်ရန် အဆင်သင့်ဖြစ်နေပါပြီ။ ကလေးအထူးကုဆရာဝန်များ၊ သူနာပြုများနှင့် ကလေးကျန်းမာရေးဆိုင်ရာ ဆေးဘက်ဆိုင်ရာကျွမ်းကျင်သူများ ဦးရေ ၅၀ ကျော်တို့သည် သင့်ကလေး၏ ကျန်းမာရေးအတွက် အကောင်းဆုံး စောင့်ရှောက်ကုသလျက်ရှိပါသည်။ ကလေးမှ ဆယ်ကျော်သက်အရွယ်အထိ သင့်ကလေး၏ လိုအပ်ချက်အလိုက် စောင့်ရှောက်ကုသရန် ဆွေးနွေးစစ်ဆေးတိုင်ပင်ရန် အခန်းပေါင်း ၂၀ ရှိပါသည်။
ကျန်းမာရေးဝန်ဆောင်မှုများ
(၁) အထွေထွေကလေးကျန်းမာရေးဝန်ဆောင်မှု
- ကျွန်ုပ်တို့၏ ကလေးအထူးကုဆရာဝန်များသည် နို့စို့အရွယ်မှစ၍ ဆယ်ကျော်သက်အရွယ်အထိ ကလေးငယ်များကို စောင့်ရှောက်ကုသလျက်ရှိပါသည်။ သင့်ကလေးအား ပုံမှန်ကျန်းမာရေးစစ်ဆေးရန်ဖြစ်စေ၊ အာဟာရပိုင်းဆိုင်ရာ၊ အိပ်စက်ခြင်းဆိုင်ရာ သို့မဟုတ် အပြုအမူဆိုင်ရာ အကြောင်းအရာများနှင့်ပတ်သက်၍ ဆွေးနွေးတိုင်ပင်လိုပါက ကျွန်ုပ်တို့၏ ကလေးအထူးကုဆရာဝန်များက အသင့်ရှိနေပါသည်။ ကျွန်ုပ်တို့၏ကလေးအထူးကုဆရာဝန်များအဖွဲ့တွင် အစာအိမ်နှင့်အူလမ်းကြောင်း၊ အသက်ရှူလမ်းကြောင်းဆိုင်ရာ၊ နှလုံးသွေးကြောဆိုင်ရာ၊ စိတ်ရောဂါ၊ အာရုံကြော၊ အရိုး၊ ဟော်မုန်း၊ ဆီးလမ်းကြောင်း၊ သွေး၊ ကင်ဆာရောဂါနှင့် သွားဘက်ဆိုင်ရာအထူးကုဆရာဝန် တို့ပါဝင်သည်။
- ကလေး၏ဖွံ့ဖြိုးတိုးတက်မှု – လူမှုပေါင်းသင်းဆက်ဆံရေး၊ အပြုအမူနှင့် သင်ယူမှုပိုင်းဆိုင်ရာတွင် လိုအပ်ချက်ရှိနေသည့် ကလေးများနှင့် လူငယ်များအတွက် ကျွမ်းကျင်သူမျာမှ ဆန်းစစ်အကဲဖြတ်ပြီး လိုအပ်သည်ကို ပံ့ပိုးကူညီလမ်းညွှန်ပေးပါသည်။ ကလေးဖွံ့ဖြိုးမှု အာရုံကြောရောဂါကုဆေးခန်း (CDNC) ရှိ ကျွန်ုပ်တို့၏ ကျွမ်းကျင်ပညာရှင်အဖွဲ့သည် သင့်ကလေး၏ လိုအပ်ချက်များကို ဖော်ထုတ်ပြီး သင့်ကလေးဖွံဖြိုးတိုးတက်မှုဆိုင်ရာ လိုအပ်ချက်များကို ဖြည့်ဆည်းပေးနိုင်မည့် အထိရောက်ဆုံးသော နည်းလမ်းများဖြင့် စောင့်ရှောက်ပေးလျက်ရှိပါသည်။ ဖွံ့ဖြိုးမှုအကဲဖြတ်ခြင်းကို အသက် ၁ လမှ ၅ နှစ်အထိ ကလေးများတွင် ပြုလုပ်နိုင်ပါသည်။
- သင့်ကလေး၏ ဖွံ့ဖြိုးတိုးတက်မှုကို ရှုထောင့် ၅ ခုဖြင့် တိုင်းထွာခြင်း – သိမြင်မှု၊ လှုပ်ရှားမှု၊ အမြင်အာရုံ ခံယူမှု၊ ဖော်ပြနိုင်သော ဘာသာစကား၊ လက်ခံနိုင်သော ဘာသာစကား
- သင့်ကလေး၏ လုပ်ဆောင်မှုများကို တိုင်းတာခြင်း – အစီအစဉ်ဆွဲခြင်း၊ အပြောင်းအရွှေ့ပိုင်းဆိုင်ရာလုပ်ဆောင်မှု၊ စိတ်ပိုင်းဆိုင်ရာ ထိန်းချုပ်မှု၊ တားဆီးထိန်းချုပ်မှု၊ မှတ်ဉာဏ်ပိုင်းဆိုင်ရာ
ကလေးကျန်းမာရေးဌာနတွင် ကလေးဖွံ့ဖြိုးမှုဆိုင်ရာ အမျိုးမျိုးသော ဆန်းစစ်အကဲဖြတ်ခြင်းအစီအစဉ်များရှိပါသည်။ သင့်ကလေး၏ အပြုအမူများကို သင် သေချာစွာနားလည်ပြီး ကျွန်ုပ်တို့၏ကလေးဖွံ့ဖြိုးမှုဆိုင်ရာကျွမ်းကျင်သူများမှ သင့်ကလေးဖွံ့ဖြိုးတိုးတက်လာစေရန် သင်လုပ်ဆောင်နိုင်သောအချက်များကို ကူညီပေးရန် အသင့်ရှိနေပါသည်။
- ကလေးဖွံ့ဖြိုးမှု စစ်ဆေးခြင်း
- အသက်အရွယ်နှင့် ဖွံ့ဖြိုးမှုအဆင့် စစ်ဆေးခြင်း
- ကျောင်းမနေမီ ပညာသင်ကြားရေးပိုင်းဆိုင်ရာ စစ်ဆေးခြင်း
(၂) ကလေးအထူးကုဝန်ဆောင်မှု
မွေးကင်းစကလေးအထူးကြပ်မတ်ကုသဆောင်တွင် အထူးကြပ်မတ် ဆေးကုသရန် လိုအပ်သော မွေးကင်းစကလေးငယ်များအတွက် အထူးစောင့်ရှောက်မှုပေးပါသည်။
- လမစေ့သောမွေးကင်းစကလေးများ – ကိုယ်ဝန် ၃၇ ပတ်အောက် မွေးဖွားသောကလေးများ
- မွေးကင်းစကိုယ်အလေးချိန် ၂၅၀၀ ဂရမ်အောက် သို့မဟုတ် ၄၀၀၀ ဂရမ်အထက်
- ကိုယ်ဝန်အပတ်နှင့်ယှဉ်လျှင် ကလေးအရွယ်သေးလွန်းခြင်း သို့မဟုတ် ကြီးလွန်းခြင်း
- အမွှာကလေးများ
- အသက်ရှူမြန်ခြင်း၊ အသက်ရှူသံအလွန်ကျယ်ခြင်း သို့မဟုတ် အသက်ရှူကြပ်ခြင်း စသည့် အသက်ရှူလမ်းကြောင်းဆိုင်ရာပြဿနာရှိခြင်း
- ကလေးအနေအထား တင်ပါးဆုံဖွားဖြစ်ခြင်း သို့မဟုတ် အနေအထား ပုံမှန်မဟုတ်ခြင်း
- မွေးပြီးပြီးချင်း အောက်ဆီဂျင်လုံလောက်စွာမရဖြစ်ခြင်း
- မွေးရာပါချို့ယွင်းချက်ရှိခြင်း
မွေးကင်းစကလေးအထူးကြပ်မတ်ကုသဆောင်သည် အသေးငယ်ဆုံးလူနာများ အထူးပြုစုစောင့်ရှောက်မှုပေးရန်အတွက် အဆင့်မြင့်နည်းပညာနှင့် လေ့ကျင့်သင်ကြားထားသော ကျွမ်းကျင် ကျန်းမာရေးစောင့်ရှောက်သူများဖြင့် ဖွဲ့စည်းထားပါသည်။ မွေးကင်းစကလေးအထူးကုအဖွဲ့များ ၂၄ နာရီရှိပြီး အရေးကြီးသောလက္ခဏာများကို စောင့်ကြည့်ခြင်း၊ အပူချိန်စောင့်ကြည့်ခြင်း၊ ရောဂါပိုးထိန်းချုပ်ခြင်း၊ အသက်ရှူလမ်းကြောင်းဆိုင်ရာ စောင့်ကြည့်ခြင်း၊ အာဟာရနှင့် ဖွံ့ဖြိုးတိုးတက်မှုအတွက် ပြုစုစောင့်ရှောက်ကုသပေးပါသည်။
ဟော်မုန်းစစ်ဆေးခြင်း
- အဝလွန်ခြင်း/ ဆီးချိုရောဂါစစ်ဆေးခြင်း (OGTT)
- ကြီးထွားမှုနှုန်းနှေးသူ/ အရပ်ပုသူများတွင် ကြီးထွားမှုနှင့်ဆိုင်သော ဟော်မုန်း (Growth hormone) စစ်ဆေးခြင်း
- အရွယ်မတိုင်မီ အပျိုဖော်ဝင်ခြင်း
- ACTH လှုံ့ဆော်မှုစမ်းသပ်မှု – 1 mcg
ကာကွယ်ဆေးထိုးခြင်း
- ဆုံဆို့၊ မေးခိုင်၊ ကြက်ညှာချောင်းဆိုး၊ ပိုလီယိုနှင့် ဦးနှောက်အမြှေးရောင်၊ အဆုတ်ရောင်ကာကွယ်ဆေး
- – အသည်းရောင်အသားဝါ အေ၊ ဘီ ကာကွယ်ဆေး
- – ဝက်သက်၊ ပါးချိတ်ရောင်၊ ဂျိုက်သိုး ကာကွယ်ဆေး
- – ကူးစက်မြန်ပြင်းထန် ဦးနှောက်အမြှေးရောင်ကာကွယ်ဆေး
- – သားအိမ်ခေါင်းကင်ဆာကာကွယ်ဆေး
- – ရာသီတုပ်ကွေးကာကွယ်ဆေး
- – ပြင်းထန်ဝမ်းပျက်ဝမ်းလျှောကာကွယ်ဆေး
- – ရေကျောက်ကာကွယ်ဆေး
