ဓာတ်မတည့်မှုစစ်ဆေးခြင်းဆိုသည်မှာ အဘယ်နည်း။
ဓာတ်မတည့်မှုစစ်ဆေးခြင်းဖြင့် မိမိပတ်ဝန်းကျင်ရှိ မည်သည့်အရာက မိမိနှင့်ဓာတ်မတည့်မှုဖြစ်စေသည်ကို သိရှိနိုင်ပြီး အဆိုပါဓာတ်မတည့်မှုမဖြစ်အောင် ရှောင်ရှားနိုင်ပြီး လိုအပ်သောကုသမှုကို စီစဉ်နိုင်ပါသည်။
ဓာတ်မတည့်မှုစစ်ဆေးခြင်းကို မည်သို့လုပ်ဆောင်သနည်း။
(၁) အရေပြားတွင်စစ်ဆေးခြင်း (Skin Test)
ထိုစစ်ဆေးမှုတွင် ဓာတ်မတည့်မှုဖြစ်စေသည်ဟု သံသယရှိသောအရာ (allergen) အနည်းငယ်ကို အရေပြားပေါ်တွင် ခြစ်ခြင်းဖြင့် အရေပြားအောက်သို့ရောက်အောင် ပြုလုပ်ပါမည်။ အရေပြားကိုခြစ်ခြင်းသည် မည်သည့်ဒဏ်ရာမှ မဖြစ်စေပါ။ ၁၅ မိနစ်အကြာတွင် ထိုစမ်းသပ်ထားသောအရာနှင့်မတည့်ပါက စစ်ဆေးထားသည့်နေရာတွင် ခြင်ကိုက်ခံရခြင်းကဲ့သို့ နီပြီးဖုလာသည့် တုံ့ပြန်မှုလက္ခဏာများ ပေါ်လာလိမ့်မည်။
(၂) ဓာတ်မတည့်မှုဖြစ်စေသော ခုခံအား ပဋိဇီ၀ပစ္စည်းကို သွေးတွင်စစ်ဆေးခြင်း (Rast Test)
ထိုစစ်ဆေးမှုသည် သွေးနမူနာကို စစ်ဆေးခြင်းဖြစ်ပြီး အရေပြားစစ်ဆေးမှုထက် ကုန်ကျစရိတ်နှင့်အချိန်ပိုကြာပါသည်။ လူနာသည် အရေပြားစစ်ဆေးမှုကို မခံယူနိုင်သောအခါ ထိုစမ်းသပ်မှုကို လုပ်ဆောင်ပါသည်။
အရေပြားစမ်းသပ်စစ်ဆေးမှုမပြုလုပ်မီ ကြိုတင်ပြင်ဆင်ခြင်း
- ဓာတ်မတည့်မှုအတွက် သောက်သုံးနေရသော ဆေးဝါးများအားလုံးဖြစ်သည့် antihistamine၊ ချောင်းဆိုးပျောက်ဆေး၊ အအေးမိပျောက်ဆေးနှင့် အယားပျောက်ဆေးတို့ကို အမျိုးအစားပေါ်မူတည်၍ စစ်ဆေးမှုမပြုလုပ်မီ ၃ ရက်မှ ၇ ရက်အလိုတွင် ရပ်ထားရပါမည်။
- အကယ်၍ သင်သည် ရှူဆေး သို့မဟုတ် နှာခေါင်းဖြန်းဆေးကို အသုံးပြုနေပါက စစ်ဆေးမှုပြုလုပ်သည့်အချိန်အထိ ၎င်းကို ဆက်လက်အသုံးပြုနိုင်ပါသည်။
- စမ်းသပ်မှုမပြုမီ အစာနှင့်ရေရှောင်ရန်မလိုပါ။