ကျွန်ုပ်တို့၏အစီအစဥ်သည် တစ်ဦးချင်းစီ၏ ရောဂါအခြေအနေအလိုက် လိုအပ်ချက်များကို ဖြည့်ဆည်းပေးရန် ရည်ရွယ်၍ အကောင်းဆုံးစီစဉ်ထားပါသည်။
အတွင်းလူနာအတွက်အစီအစဥ်
နှလုံးကျန်းမာရေးပြန်လည်ကောင်းမွန်ရေးအစီအစဉ်သည် လူနာတစ်ဦး ဆေးရုံတွင်ရှိနေချိန် မှစတင်၍ နှလုံးနှင့်ဆက်စပ်သောပြဿနာ သို့မဟုတ် ခွဲစိတ်မှုများမှ ပြန်လည်ကောင်းမွန်လာချိန်ထိဖြစ်ပါသည်။ ကျွန်ုပ်တို့၏အဖွဲ့များသည် အခြားသောနှလုံးခွဲစိတ်မှုများခံယူထားသောလူနာများအတွက် ခွဲစိတ်ပြီးနောက်ပိုင်း အခြေအနေများကို ထိရောက်စွာဆောင်ရွက်နိုင်ရန် လူနာများကိုခွဲစိတ်မှုမတိုင်မီကာလမှစ၍ ပြုစုစောင့်ရှောက်ပေးပါသည်။ ထို့အပြင် လူနာများသည် ပြန်လည်ထူထောင်ရေးကိစ္စရပ်များကို တတ်နိုင်သမျှအမြန်ဆုံးရရှိစေရန် အတွက်လည်းပူးပေါင်းဆောင်ရွက်နိုင်ပါသည်။
အတွင်းလူနာပြန်လည်ကျန်းမာရေးတွင် အောက်ပါတို့ပါဝင်ပါသည်။
- နာလန်ထသည့်ကာလတစ်လျှောက်လုံး လေ့ကျင့်ခန်းနှင့်နေ့စဥ်ကိုယ်လက်လှုပ်ရှားမှုများကိုဘေးကင်းလုံခြုံစေရန်အတွက် အနီးကပ်ကြည့်ရှုစောင့်ကြပ်ပါသည်။
- ရောဂါဖြစ်စဉ်၊ အန္တရာယ်ရှိစေသောအရာများနှင့် သင့်လျော်သော ပြုပြင်မွမ်းမံမှုများ၊ မိမိကိုယ်ကို စောင့်ကြည့်ခြင်းနည်းပညာများနှင့် အထွေထွေ လှုပ်ရှားမှုလမ်းညွှန်ချက်များအကြောင်း လူနာနှင့် မိသားစုများအားပညာပေးခြင်း
- တစ်ဦးချင်းပြဿနာများအလိုက် အာဟာရပညာရှင်မှအစားအသောက်နှင့် အာဟာရဆိုင်ရာအကြံဉာဏ်ပေးခြင်း
ပြင်ပလူနာအတွက်အစီအစဥ်
နှလုံးရောဂါနှင့်နှလုံးရောဂါဝေဒနာရှင်များအား နေ့စဉ်လူမှုဘဝတွင် ယုံကြည်မှုပိုမိုတိုးမြင့်လာစေရန် နှင့် ဆေးရုံမှဆင်းပြီးနောက်နှင့် ခွဲစိတ်မှု သို့မဟုတ် ခွဲစိတ်မှုပြီးနောက် ၁၂ ပတ် မှ ၁၆ ပတ်အတွင်း တစ်ပတ်လျှင် အနည်းဆုံး ၂–၃ကြိမ် နှလုံးပြန်လည်ကျန်းမာရေးအစီအစဉ်ကို ဆောင်ရွက်ရန်တိုက်တွန်းပါသည်။
ပြင်ပလူနာအစီအစဉ်တွင်
- ဘေးကင်းမှုကန့်သတ်ချက်ထက်မကျော်လွန်ဘဲ လူနာ၏နှလုံးသွေးကြောဆိုင်ရာ ကျန်းမာကြံ့ခိုင်မှုကို အမြင့်ဆုံးမြှင့်တင်ရန် သင့်လျော်သောလေ့ကျင့်ခန်းအစီအစဉ်ကို တစ်ဦးချင်းကြီးကြပ်ပြီး အနီးကပ်စောင့်ကြည့်ပါသည်။ လူနာများသည် မိမိတို့အိမ်၌မိမိကိုယ်ကို စောင့်ကြည့်နည်းကိုလည်း လေ့လာကြပါသည်။
- လူနာ၏ပညာရေးနှင့် အန္တရာယ်ရှိသောအချက်များပြုပြင်ပြောင်းလဲမှုကို အလေးထားပြီး လက်တွေ့ဘဝတွင် လူနေမှုပုံစံပြောင်းလဲခြင်းကို အကောင်အထည်ဖော်ဆောင်ရွက်လျက်ရှိပါသည်။