- ကျန်းမာရေးစမ်းသပ်ချက်ဆေးမှတ်တမ်းများနှင့်အတူ ပြီးပြည့်စုံသော ရုပ်ပိုင်းဆိုင်ရာနှင့် အာရုံကြောပိုင်းဆိုင်ရာ စစ်ဆေးချက်များ
ဦးခေါင်း၊ မျက်နှာ နှင့်လည်ပင်းစုံစုံလင်လင်စစ်ဆေးခြင်း
ခေါင်းကိုက်ရခြင်းအကြောင်းရင်းများကိုသိရှိစေရန် အဆင့်မြင့်ဓာတ်ရောင်ခြည်ပုံရိပ်ဖော်စမ်းသပ်မှုများတွင် ကွန်ပြူတာဓာတ်မှန်ရိုက်ခြင်း CT scan နှင့် ဦးနှောက်အားသံလိုက်ဖြင့်ပုံရိပ်ဖော်စစ်ဆေးခြင်း MRI scan တို့ပါဝင်ပါသည်။ - နိုင်ငံတကာစံနှုန်းများကို အသုံးပြု၍ ပြင်းထန်သောခေါင်းကိုက်ဝေဒနာနှင့် လူနေမှုဘဝအပေါ် ၎င်း၏အကျိုးသက်ရောက်မှုကို အကဲဖြတ်ကြည့်ရှုစစ်ဆေးခြင်း
- ပြင်းထန်သောခေါင်းကိုက်ခြင်းကိုကုသမှုများစွာတွင် သောက်ဆေးနှင့်ထိုးဆေးများ၊ မိုနိုကုထုံးနှင့် ပေါင်းစပ်ကုထုံးနှစ်ခုစလုံးတွင် ဘေးထွက်ဆိုးကျိုးအနည်းငယ်ဖြင့် ထိရောက်သောကုသမှုရလဒ်များနှင့် ပြန်လည်ဖြစ်နိုင်ခြေများကို လျှော့ချပေးသည့် ကုသမှုနည်းလမ်းများကျယ်ပြန့်စွာပါဝင်ပါသည်။
- steroid သို့မဟုတ် အခြားသောထိုးဆေးများကို occipital သို့မဟုတ် trigeminal အာရုံကြောများတဝိုက်ထိုးခြင်းဖြင့် occipital nerve block နှင့် trigeminal nerve block ဖြစ်စေပြီး နာကျင်မှုကိုသက်သာစေသည့်အပြင် ပြန်လည်ဖြစ်နိုင်ခြေနှင့် အခြားသော အာရုံကြောဆိုင်ရာ လက္ခဏာများကိုလည်း လျှော့ချပေးပါသည် ။ နာကျင်မှုကို ကုသသော အခြားနည်းလမ်းများမှာ botulinum toxin ထိုးခြင်းနှင့် trigger point ထိုးခြင်းတို့ဖြစ်ပါသည်။
- နာကျင်မှု ပြင်းထန်မှူ နှင့် ခေါင်းကိုက်သည့်အကြိမ်ရေကို လျှော့ချရန်အတွက် ကြိုတင်ကာကွယ်သည့်ဆေး
- ခေါင်းကိုက်ခြင်းဆိုင်ရာစောင့်ရှောက်မှု အထူးပြုသူနာပြုများ၊ ဆေးဝါးပညာရှင်များနှင့်အတူ ဆေးဘက်ဆိုင်ရာ အကြံဉာဏ်များပေးခြင်း။ အကြံပြုချက်များတွင် ဆိုးကျိုးဖြစ်စေနိုင်သောအကြောင်းရင်းများ ကိုရှောင်ရှားရန် လူနေမှုပုံစံပြောင်းလဲခြင်းနှင့် ဆေးဝါးစီမံခန့်ခွဲမှုတို့ပါဝင်ပါသည်။
- ခေါင်းကိုက်ခြင်း၏ပြင်းထန်မှုကိုအနီးကပ်စောင့်ကြည့်၍ ၎င်းရောဂါအခြေနေတိုးတက်မှုနှင့် ကုသမှုအပေါ်တုံ့ပြန်မှုတို့ကို အနီးကပ်စောင့်ကြည့်ခြင်း။
- ခေါင်းကိုက်ခြင်း၏အကြောင်းရင်းများသည် အကြောင်းရင်းများစွာမှ ဆင်းသက်လာခြင်းဖြစ်ပြီး ခေါင်းကိုက်ခြင်းဝေဒနာကို စောင့်ရှောက်မှုပေးရန်အတွက် နယ်ပယ်ပေါင်းစုံမှကျွမ်းကျင်ဆေးပညာရှင်များအဖွဲ့သည် မရှိမဖြစ်လိုအပ်ပါသည်။ အကောင်းဆုံးရလဒ်များရရှိစေရန် သက်ဆိုင်ရာအထူးကုဆရာဝန်များဖြစ်သော ပြန်လည်သန်စွမ်းရေးသမားတော်များ၊ အပ်စိုက်အထူးကုသမားတော်များ၊ နား၊ နှာခေါင်း၊ လည်ချောင်းအထူးကုဆရာဝန်ကြီးများ၊ စိတ်ရောဂါအထူးကုများ၊ စိတ်ရောဂါပညာရှင်များနှင့် သွားဆရာဝန်များ ပါဝင်ပါသည်။
- အာရုံကြောဆိုင်ရာကုသမှုများတွင် တိုးတက်မှုနည်းပညာများအဖြစ် အာရုံကြောဆိုင်ရာလှုံ့ဆော်မှုများ နှင့် အာရုံကြောစနစ်၏လုပ်ဆောင်ချက်ကို ရွေ့ပြောင်းပေးနိုင်သော ထိုးဖောက်ကုသခြင်းကိုအသုံးပြုသောလုပ်ဆာင်ချက်များ ဥပမာ။ သေးငယ်သောလျှပ်စီး သို့မဟုတ်၊ ထိုးဖောက်ခွဲစိတ်ခြင်းမဟုတ်သော ဥပမာ။ သံလိုက်လှုံ့ဆော်မှု(TMS)၊ Transcranial Direct Current Stimulation (TDCS) ကဲ့သို့သော လျှပ်စစ်လှုံ့ဆော်မှု (tES)။ အာရုံကြောလှုံ့ဆော်မှုနည်းသည် ကျောရိုးနှင့်ဦးနှောက်ကြားရှိ နာကျင်မှုအချက်ပြမှုများကို အနှောင့်အယှက်ပေးခြင်းဖြင့် နာကျင်မှုကို လျော့ပါးသက်သာ စေပါသည်။ ၎င်းသည်ဘေးထွက်ဆိုးကျိုးနည်းပါးပြီး ဆေးရုံတက်ရန်မလိုအပ်သည့်အတွက် ပြင်ပလူနာဝန်ဆောင်မှုအဖြစ်လုပ်ဆောင်နိုင်ပါသည်။
- ခေါင်းကိုက်ခြင်းကိုကာကွယ်ခြင်းနှင့် ကုသခြင်းအတွက် ဆေးဝါးနှင့်ကုသသောနည်းလမ်းမဟုတ်သည့် အလိုအလျောက်ခန္ဓာကိုယ်လုပ်ဆောင်ချက်ကို အီလက်ထရွန်းစနစ်ဖြင့် စောင့်ကြည့်ခြင်းနည်း (Biofeedback) နှင့် တင်းမာနေသော ကြွက်သားများကိုပြေလျော့စေခြင်းကိုကျယ်ပြန့်စွာလက်ခံထားကြပါသည်။ အချို့သော အခြေအနေများ ဥပမာ။ စိတ်ဖိစီးခြင်း၊ တွင် နှလုံးခုန်နှုန်း၊ အသက်ရှူနှုန်း၊ ခန္ဓာကိုယ်အပူချိန်၊ ကြွက်သားကျုံ့ခြင်းနှင့် ပြေလျော့စေခြင်းများအပြင် ချွေးဂလင်း၏ လုပ်ဆောင်ချက်များ စသည့် ခန္ဓာကိုယ်၏တုံ့ပြန်မှုကိုစောင့်ကြည့်သည့်ကိရိယာကို အသုံးပြုခြင်းဖြင့် နာကျင်မှုကို ပြေလျော့စေပါသည်။ နာကျင်မှုကို သက်သာစေရန်၊ ခန္ဓာကိုယ်၏တုံ့ပြန်မှုကို ပြင်ဆင်ရန်အတွက် အထူးကိရိယာမှပေးပို့သော အချက်အလက်များကို အသုံးပြုပါသည်။ Biofeedbackမှရလဒ်အနေဖြင့် ၎င်းသည်ဆေးဝါးလိုအပ်ချက်နည်းပါးစွာဖြင့် ခေါင်းကိုက်ခြင်းအကြိမ်ရေနှင့် ပြင်းထန်မှုကို လျှော့ချနိုင်ပါသည်။ Biofeedbackနည်းဖြင့် ကုသမှုခံယူရာတွင် အထူးကိရိယာကို ထိုးဖောက်စရာမလိုဘဲ တပ်ဆင်ပါမည်။ Biofeedbackနည်း နှင့် အနားယူခြင်းနည်းလမ်းများသည် ခေါင်းကိုက်ခြင်းကို ကုသခြင်းထက် ကာကွယ်ရာတွင် ပို၍ထိရောက်မှုရှိပါသည်။
ခေါင်းကိုက်ခြင်း
သတင်းအချက်အလက် ပိုမိုရယူရန် ဆက်သွယ်ပေးပါ
ခေါင်းကိုက်ခြင်း
ဒုတိယထပ်၊ Bangkok International Hospital
တနလာ်မှသောကြာ မနက် ၇နာရီ မှ ညနေ ၆နာရီ
စနေ၊တနဂ်နွေ မနက် ၇နာရီ ညနေ ၅ နာရီ