ဘန်ကောက်ဦးနှောက်နှင့်အာရုံကြောစင်တာသည် အလုံးစုံသောအာရုံကြောဆိုင်ရာ ဝန်ဆောင်မှုများပေးလျက်ရှိပါသည်။
- ရောဂါရှာဖွေခြင်း … ရောဂါများဖြစ်ပွားရခြင်း၏အကြောင်းရင်းများ
- ကုသခြင်း … အဆင့်မြင့်ဆေးဘက်ဆိုင်ရာနည်းပညာဖြင့်ကုသခြင်း
- ကာကွယ်ခြင်း … ရောဂါပြန်လည်ဖြစ်ပွားခြင်းမှကာကွယ်ခြင်း
- ပြန်လည်ကျန်းမာရေး … လူနာများကို ကောင်းမွန်သောဘဝသို့ ပြန်လည်ရောက်ရှိစေခြင်း
နယ်ပယ်ပေါင်းစုံမှ ကျွမ်းကျင်ဆေးဘက်ဆိုင်ရာအဖွဲ့၏လမ်းညွှန်မှုဖြင့် ရောဂါကြိုတင်ကာကွယ်ခြင်းနှင့် စောလျင်စွာသိရှိစေရန် စစ်ဆေးကာ သင့်ဦးနှောက်၏စွမ်းဆောင်ရည်ကို ထိန်းသိမ်းထားနိုင်ပါသည်။
လေဖြတ်ခြင်းကုဆေးခန်း
BDMS NEUROSCIENCE INSTITUTE BLACK BRAIN HEALTH LLC, USA IN COLLABORATION WITH KEITH L. BLACK, M.D သည် လေဖြတ်ခြင်းကို ကာကွယ်ခြင်းနှင့် ကုသခြင်းအတွက် အမေရိကန်အခြေစိုက် JCI (Joint Commission International) မှ နိုင်ငံတကာအသိအမှတ်ပြုလက်မှတ်ရရှိထားပါသည်။ ၎င်းသည် အထူးပြု ဆေးဘက်ဆိုင်ရာအဖွဲ့ဖြစ်ပြီး မိမိအိမ်တွင် ဆက်လက်ကျန်းမာလာစေရန်ရည်ရွယ်ချက်ဖြင့် လေဖြတ်လူနာ စောင့်ရှောက်မှုများအတွက် လေဖြတ်ရောဂါအထူးကုဆရာဝန်များ၊ သူနာပြုများ၊ ရူပကုထုံးဆရာဝန်များ၊ အာဟာရဗေဒပညာရှင်များ၊ စိတ်ပညာရှင်နှင့် ဆေးဝါးပညာရှင်များမှ ထိရောက်သော ကုသမှုများနှင့်အတူ ပေါင်းစပ်ညှိနှိုင်းဆောင်ရွက်ပေးလျက်ရှိပါသည်။
ပါကင်ဆန်ရောဂါကုဆေးခန်း
ပါကင်ဆန်ရောဂါကုဆေးခန်းသည် သက်ကြီးလူနာများတွင် ပိုမိုအဖြစ်များလာသော ပါကင်ဆန်ရောဂါအပါအဝင် ပုံမှန်မဟုတ်သောလှုပ်ရှားမှုများအတွက် ရောဂါရှာဖွေခြင်းနှင့် ကုသရေးဝန်ဆောင်မှုများကိုဆောင်ရွက်ပေးပါသည်။
အတက်ရောဂါကုဆေးခန်း
ကျွန်ုပ်တို့သည် ဝက်ရူးပြန်အတက်ရောဂါရှိသောလူနာများ၏ဘဝကို တိုးတက်မြင့်မားစေရန် ကူညီပေးရာတွင် အထူးပြုဆေးဘက်ဆိုင်ရာပညာရှင်များမှ အလုံးစုံသောစောင့်ရှောက်မှုကို ဆောင်ရွက်ပေးပါသည်။ ဝက်ရူးပြန်ရောဂါ သို့မဟုတ် အတက်ရောဂါလက္ခဏာများအတွက် ရောဂါရှာဖွေခြင်းနှင့် ကုသခြင်းဝန်ဆောင်မှု များကို ကျွမ်းကျင်ကျန်းမာရေးဝန်ထမ်းများဖြင့် ဆောင်ရွက်ပေးပြီး ကုသမှုနည်းလမ်းများနှင့် ဝက်ရူးပြန်ချိန်တွင် နောက်ဆက်တွဲအန္တရာယ်များ မဖြစ်စေရန် သင့်လျော်သောအကြံဉာဏ်များကိုပါ ရရှိနိုင်ပါသည်။
ခေါင်းကိုက်ရောဂါကုဆေးခန်း
- ခေါင်းကိုက်ခြင်းနှင့် ၎င်း၏အကျိုးဆက်များသည် လူနာများအတွက် ဆေးဘက်ဆိုင်ရာ ကျွမ်းကျင်သူများနှင့် တိုင်ပင်ဆွေးနွေးရန် အဓိကအကြောင်းရင်းတစ်ခု ဖြစ်လာပါသည်။ ခေါင်းကိုက်ခြင်းသည် မိုင်ဂရိန်းဟုခေါ်သော ခေါင်းတစ်ခြမ်းကိုက်ရောဂါကြောင့်ဖြစ်ခြင်း၊ စိတ်ဖိစီးမှုကြောင့် ခေါင်းကိုက်ခြင်းဖြစ်နိုင်သလို ဦးနှောက်အကျိတ်များ၊ လေဖြတ်ခြင်းနှင့် ဦးနှောက်ရောင်ခြင်းကဲ့သို့သော အန္တရာယ်ရှိသောရောဂါများ သို့မဟုတ် အခြားအခြေအနေများကြောင့်လည်း ဖြစ်နိုင်ပါသည်။
- အိပ်စက်မှုဆိုင်ရာ မူမမှန်ပြဿနာများရှိခြင်း