មជ្ឈមណ្ឌលភ្នែក

ការព្យាបាលស្ប៉ាត្របកភ្នែក

ការស្អំត្របកភ្នែក ការម៉ាស្សា និងការសម្អាត ដើម្បីបំបាត់រោគសញ្ញាភ្នែកស្ងួត

ស្ប៉ាត្របកភ្នែករួមមានការការស្អំត្របកភ្នែក ការម៉ាស្សាត្របកភ្នែក និងការសម្អាតត្របកភ្នែក។ គោលដៅនៃការព្យាបាលគឺដើម្បីកាត់បន្ថយការរមាស់ភ្នែក និងស្ងួតភ្នែកដែលបណ្តាលមកពីភាពមិនដំណើរការនៃក្រពេញម៉ៃបូមៀន (Meibomian​ Gland) ។ មុនពេលទទួលបានសេវាកម្មនេះពីគិលានុបដ្ឋាយិកាដែលបានទទួលការបណ្តុះបណ្តាលយ៉ាងល្អរបស់យើងដែលមានឯកទេសក្នុងការថែទាំត្របកភ្នែក អ្នកជំងឹត្រូវតែធ្វើការពិនិត្យ និងធ្វើរោគវិនិច្ឆ័យយ៉ាងទូលំទូលាយពីគ្រូពេទ្យភ្នែកថាតើការស្ប៉ាត្របកភ្នែកអាចអនុវត្តបានឬអត់។ ភ្លាមៗបន្ទាប់ពីអនុវត្តការស្ប៉ាត្របកភ្នែកដែលជួយឲ្យក្រពេញដែលស្ទះចេញធ្វើការធម្មតាវិញ ការម៉ាស្សាត្របកភ្នែកត្រូវបានអនុវត្តដើម្បីរុញសារធាតុរាវ ខ្លាញ់ ចេញពីក្រពេញម៉ៃបូមៀន ដែលមានទីតាំងនៅគែមនៃត្របកភ្នែកខាងលើ និងខាងក្រោម។ ឧបករណ៍ម៉ាស្សាដែលប្រើកំឡុងពេលម៉ាស្សាត្របកភ្នែកដើម្បីច្របាច់ខ្លាញ់ដែលស្ទះដល់ក្រពេញម៉ៃបូមៀនរួមមាន កំណាត់កញ្ចក់ ឬឧបករណ៍ភ្នែកផ្សេងទៀត និងដុំសំឡី។

អ្នកជំងឺដែលសាកសមសម្រាប់ការស្ប៉ាត្របកភ្នែក

ការស្ប៉ាត្របកភ្នែកត្រូវបានណែនាំយ៉ាងខ្លាំងចំពោះអ្នកដែលមានលក្ខខណ្ឌដូចខាងក្រោមនេះ៖

• ភ្នែកស្ងួត រលាកភ្នែក ឬភ្នែកអស់កម្លាំង
• ពាក់ contact lenses ហើយមានអារម្មណ៍មិនស្រួលភ្នែកនិង ភ្នែកស្ងួត
• ដុំពកតូចៗនៅគែមត្របកភ្នែកក្បែរគល់រោមភ្នែកដែលបង្កឡើងដោយក្រពេញម៉ៃបូមៀន ដែលត្រូវបានស្ទះ និងជាប់គាំងនៅក្នុងក្រពេញ។
• រមាស់ភ្នែក
• អ្នកដែលតែងភ្នែកជាប្រចាំ

ការស្ប៉ាត្របកភ្នែកក៏ត្រូវបានណែនាំផងដែរចំពោះអ្នកជំងឺដែលគ្រោងនឹងធ្វើការវះកាត់ភ្នែក ឧ. LASIK និងការវះកាត់ភ្នែកឡើងបាយ។ ទោះជាយ៉ាងណាក៏ដោយ មុនពេលទទួលការស្ប៉ាត្របកភ្នែក អ្នកជំងឺត្រូវតែមានការពិនិត្យភ្នែកឱ្យបានទូលំទូលាយដើម្បីធ្វើផែនការព្យាបាលសមស្របសម្រាប់អ្នកជំងឺម្នាក់ៗ។ ក្រៅពីការស្ប៉ាត្របកភ្នែក ថ្នាំ និងដំណក់ទឹកភ្នែកសិប្បនិម្មិតអាចត្រូវបានចេញវេជ្ជបញ្ជាបន្ថែមទៀតតាមការចាំបាច់។

នីតិវិធីស្ប៉ាត្របកភ្នែក

• អ្នកជំងឺត្រូវដេកផ្ងារ បន្ទាប់មកគិលានុបដ្ឋាយិកាឯកទេសដាក់ឧបករណ៍ស្អំកំដៅត្របកភ្នែកថ្នមៗ (វ៉ែនតាកម្ដៅ) ដើម្បីបន្ធូរសារធាតុរាវដែលមានជាប់ក្នុងត្របកភ្នែករយៈពេលប្រហែល 10 នាទី ឬតាមការណែនាំដោយគ្រូពេទ្យឯកទេសភ្នែក។
• បន្ទាប់ពីលាបស្អំត្របកភ្នែកក្តៅៗ ត្របកភ្នែកនឹងត្រូវបានសម្អាត ហើយគិលានុបដ្ឋាយិកាចាប់ផ្តើមម៉ាស្សាត្របកភ្នែកដោយប្រើកំណាត់កញ្ចក់ ឧបករណ៍ភ្នែក និងដុំសំឡី ដើម្បីរុញស្រទាប់ខ្លាញ់ដែលស្ទះដែលរាំងដល់ក្រពេញម៉ៃបូមៀន នៅលើគែមត្របកភ្នែក។
• បន្ទាប់ពីការម៉ាស្សាត្របកភ្នែកត្រូវបានបញ្ចប់ ត្របកភ្នែកត្រូវបានសម្អាតថ្នមៗជាមួយនឹងហ្វូមលាងសម្អាតត្របកភ្នែក ដោយមើលពីជ្រុងខាងក្នុងទៅជ្រុងខាងក្រៅ។ បន្ទាប់ពីការលាងសម្អាតត្រូវបានបញ្ចប់ ហ្វូមនឹងត្រូវជូតចោល។
• ការស្ប៉ាត្របកភ្នែកចំណាយពេលប្រហែល 30-40 នាទី។

អត្ថប្រយោជន៍នៃការស្ប៉ាត្របកភ្នែក

• កាត់បន្ថយការរមាស់ភ្នែក ឬស្ងួតភ្នែកដែលបណ្តាលមកពីក្រពេញម៉ៃបូមៀនស្ទះនៅក្នុងត្របកភ្នែក។
• បន្ទន់ និងជម្រុញសារធាតុរាវចេញពីក្រពេញដែលជួយមិនឲ្យភ្នែកស្ងួត។
• ការពារការរលាកត្របកភ្នែក និងការឆ្លងមេរោគ ឧ. stye ។
• យកកំទេចកំទី និងខ្លាញ់ដែលស្ទះនៅក្នុងត្របកភ្នែកចេញ។
• កម្ចាត់មេរោគរោមភ្នែកដែលអាចបណ្តាលឱ្យមានភ្នែកឆ្លងមេរោគ។