ကင်ဆာစင်တာ

ကျွန်ုပ်တို့သည် ကင်ဆာရောဂါကုသမှုလိုအပ်နေသော လူနာများနှင့် မိသားစုများအတွက်
လမ်းညွှန်မှု၊ ကျွမ်းကျင်မှုနှင့် ကရုဏာတရားပြည့်ဝသော စောင့်ရှောက်မှုများ ကို ပေးစွမ်းပါသည်။

ဘန်ကောက်ချင်းမိုင်ဆေးရုံမှ ကင်ဆာရောဂါကုသရေးစင်တာ (Bangkok Hospital Chiang Mai Oncology Center) သည် ကင်ဆာရောဂါသည်များအား စနစ်ကျသော ကျန်းမာရေးစောင့်ရှောက်မှုပေးရန် ရည်ရွယ်ချက်ဖြင့် စတင်တည်ထောင်ခဲ့ခြင်းဖြစ်ပါသည်။

 

ကင်ဆာရောဂါကုသရေးစင်တာသည် ခေတ်မီသော ရောဂါဗေဒနှင့် ဆဲလ်ဗေဒ စစ်ဆေးရေးနည်းလမ်းများ၊ ရောဂါအဆင့်နှင့် ပျံ့နှံ့မှုကို အကဲဖြတ်ရန် CT ဓာတ်မှန်ရိုက်ခြင်းနှင့် ကုသမှုမစမီ လူနာများအား ပြင်ဆင်ခွင့်ပေးခြင်းစသည့် ကင်ဆာရောဂါစောင့်ရှောက်မှုများကို ပေးအပ်လျက်ရှိပါသည်။ ယခုအခါ ဆေးပညာဆိုင်ရာ နည်းပညာများ တိုးတက်လာမှုကြောင့် ကင်ဆာရောဂါကုသမှုများသည် ပိုမိုထိရောက်သော ရလဒ်များရရှိစေပြီး ပျောက်ကင်းနိုင်ခြေ ပိုမိုမြင့်မားလာကာ နောက်ဆက်တွဲဆိုးကျိုးများနှင့် အန္တရာယ်များကို လျှော့ချပေးနိုင်ပါသည်။ ကင်ဆာရောဂါကုသရာတွင် အသုံးပြုသော ဆေးပညာနည်းလမ်းများမှာ ခွဲစိတ်ကုသခြင်း၊ ကီမိုဆေးသွင်းကုသခြင်း၊ ပစ်မှတ်ထားကုသခြင်း (Targeted Therapy)၊ ကိုယ်ခံအားစနစ်ဖြင့် ကုသခြင်း (Immunotherapy) နှင့် ဟော်မုန်းကုထုံးဖြင့် ကုသခြင်းတို့ ဖြစ်ပါသည်။ ထို့အပြင် ကင်ဆာရောဂါကုသရေးစင်တာသည် သွေးအားနည်းရောဂါ၊ သွေးထွက်လွန်ရောဂါ၊ သွေးကြောပိတ်ဆို့ခြင်း၊ သွေးပျစ်ခြင်းနှင့် သွေးဆဲလ်များ ပုံမှန်မဟုတ်ခြင်းစသည့် သွေးရောဂါများအတွက်လည်း စစ်ဆေးကုသမှုဝန်ဆောင်မှုများ ပေးအပ်လျက်ရှိပါသည်။

 

**ရောဂါရှာဖွေရေး**

ဓာတ်မှန်(CT)၊ ရောဂါဗေဒနှင့် ဆဲလ်ဗေဒဆိုင်ရာ ရောဂါရှာဖွေခြင်း

 

**ကုသခြင်း**

ခွဲစိတ်ကုသခြင်းအပြင် ဆေးပညာဆိုင်ရာ နည်းပညာများ တိုးတက်လာမှုကြောင့် ကင်ဆာရောဂါကုသရန် နည်းလမ်းပေါင်းစုံ ရရှိလာပါသည်။ ကျွမ်းကျင်သော ဆေးဘက်ဆိုင်ရာဝန်ထမ်းများပါဝင်သည့် အဖွဲ့သည် ခေတ်မီသော ကိရိယာများနှင့် နည်းပညာများဖြင့် ရောဂါရှာဖွေကာ လူနာ၏ ရုပ်ပိုင်းဆိုင်ရာနှင့် စိတ်ပိုင်းဆိုင်ရာအချက်များကို အဓိကထားသိရှိနားလည်ပြီး အကောင်းဆုံးကုသမှုနည်းလမ်းကို ရွေးချယ်ပေးပါသည်။

 

**ကီမိုဆေးသွင်းကုသခြင်း**

ကင်ဆာဆဲလ်များကို ဆန့်ကျင်တိုက်ဖျက်သည့် သို့မဟုတ် ဖျက်ဆီးသည့် ဆေးဝါးမျိုးစုံဖြင့် ကုသခြင်းဖြစ်ပြီး ကင်ဆာဆဲလ်များ ဆက်လက်မပွားများအောင် တားဆီးကာ အဆုံးတွင် သေဆုံးစေပါသည်။ ကီမိုဆေးသွင်းကုသမှုတွင် ဆေးပုံစံမျိုးစုံရှိပြီး အများစုမှာ သွေးပြန်ကြောအတွင်း ဆေးထိုးခြင်း (သို့) သွေးကြောထဲသို့ Dripဖြင့် ဆေးသွင်းခြင်းဖြစ်ပါသည်။ ယခုအခါ တွင် သောက်ဆေးပုံစံဖြင့်လည်း ရရှိနိုင်ပြီး ဆေးပေးသွင်းရန် ပိုမိုလွယ်ကူခြင်းနှင့် ဆေးရုံတက်ရန်လိုအပ်ချက် လျှော့ချနိုင်ခြင်းတို့ ရှိပါသည်။

 

**ပစ်မှတ်ထားကုသခြင်း (Targeted Therapy)**

ကင်ဆာဆဲလ်များကို တိကျစွာဖျက်ဆီးနိုင်သော ဆေးဝါးများပေးခြင်းဖြင့် ခန္ဓာကိုယ်အတွင်းရှိ ကင်ဆာဆဲလ်များကို ထိရောက်စွာ ဖယ်ရှားခြင်း သို့မဟုတ် ထိန်းချုပ်ခြင်းဖြစ်ပါသည်။ ဤကုသမှုသည် ကီမိုဆေးသွင်းကုသခြင်းထက် ပိုမိုထိရောက်ပြီး ဘေးထွက်ဆိုးကျိုးများ နည်းပါးပါသည်။

 

**ကိုယ်ခံအားစနစ်ဖြင့် ကုသခြင်း (Immunotherapy)**

ခန္ဓာကိုယ်၏ ကိုယ်ခံအားစနစ်၏ လုပ်ဆောင်ချက်ကို အသုံးပြု၍ ခန္ဓာကိုယ်အတွင်းရှိ ကင်ဆာဆဲလ်များကို ထိရောက်စွာ ဖယ်ရှားခြင်း သို့မဟုတ် ထိန်းချုပ်ခြင်း ဖြစ်ပါသည်။

 

**ဟော်မုန်းကုထိုးခြင်း**

ဟော်မုန်းအချို့ကို ဆန့်ကျင်သည့် သို့မဟုတ် ဟော်မုန်းထုတ်လုပ်မှုကို တားဆီးသည့် ဆေးဝါးများဖြင့် ကင်ဆာရောဂါကို ကုသခြင်းဖြစ်ပါသည်။ အဘယ်ကြောင့်ဆိုသော် ရင်သားကင်ဆာ၊ ဆီးကျိတ်ကင်ဆာ စသည့် ကင်ဆာအမျိုးအစားအချို့သည် ဟော်မုန်းများပေါ်တွင် မှီခိုကြီးထွားလာတတ်သောကြောင့် ဖြစ်ပါသည်။ ဟော်မုန်းကုထိုးခြင်းဖြင့် ထိုကင်ဆာများကို ထိန်းချုပ်နိုင်ပြီး ကီမိုဆေးသွင်းကုသခြင်းထက် ဘေးထွက်ဆိုးကျိုးနည်းပါးပါသည်။

 

**ပြည်တွင်းပြည်ပရှိ ဆေးရုံများနှင့် ပူးပေါင်းဆောင်ရွက်ခြင်း**

ဘန်ကောက်ချင်းမိုင်ဆေးရုံမှ ကင်ဆာရောဂါကုသရေးစင်တာသည် ချင်းမိုင်ပြည်နယ်၊ မြောက်ပိုင်းအထက်ပိုင်းဒေသများနှင့် အနီးအနားရှိ ကပ်လျက်နိုင်ငံများမှ လူနာများအတွက် ကင်ဆာရောဂါဆိုင်ရာ စွမ်းဆောင်ရည်မြင့် စင်တာတစ်ခုဖြစ်လာစေရန် ဗဟုသုတနှင့် အတွေ့အကြုံများ ဖလှယ်ရန်အတွက် ပြည်တွင်းပြည်ပရှိ ကွန်ရက်ဆေးရုံများနှင့် ပူးပေါင်းဆောင်ရွက်လျက်ရှိပါသည်။ ၎င်းတို့အနက်မှ ဆေးရုံအချို့မှာ-

 

–   ထိုင်းနိုင်ငံ၏ ပထမဆုံးသော ကင်ဆာရောဂါဆိုင်ရာ ပုဂ္ဂလိကအထူးကုဆေးရုံဖြစ်သည့် Wattanosoth ဆေးရုံ (part of Bangkok Dusit Medical Services Group) နှင့်

–  Siriraj ဆေးရုံ တို့သည် အမေရိကန်ပြည်ထောင်စုရှိ နံပါတ်တစ်ကင်ဆာရောဂါကုသရေးစင်တာဖြစ်သော MD Anderson Cancer Centre နှင့် ပူးပေါင်းဆောင်ရွက်လျက်ရှိပါသည်။