Bangkok Hospital နှင့် နှစ်ရှည်လများ ခိုင်မာစွာ လက်တွဲလာခဲ့သော Sea Lion Medical Travel တို့မှ “CARE Connect – Connect Your Health with Our Expert Care” အထူးပွဲလေးကို အောင်မြင်စွာ ကျင်းပပြုလုပ်ခဲ့ပါသည်။
အဆိုပါပွဲသည် မြန်မာလူနာများ၊ မိသားစုဝင်များနှင့် မိတ်ဆွေအသိုင်းအဝိုင်းအတွက် ဆေးဘက်ဆိုင်ရာ ကျွမ်းကျင်မှုနှင့် ယဉ်ကျေးမှုတို့ကို အလေးထား၍ ပြည့်စုံကောင်းမွန်သော ကျန်းမာရေးဝန်ဆောင်မှုများ ဆက်လက်ပေးအပ်သွားရန် ခိုင်မာသည့် ကတိကဝတ်ကို ထပ်လောင်းအတည်ပြုလိုက်ခြင်းပဲ ဖြစ်ပါသည်။
အခမ်းအနားကို Bangkok Hospital Group 1 ၏ Assistant CEO နှင့် Bangkok International Hospital ၏ Hospital Director ဖြစ်သူ Mr. Ratapong Ambhanwong ဦးဆောင်မိတ်ဆက်ပြောကြားပေးခဲ့ပါသည်။
အစီအစဉ်များအနေဖြင့် Dr. Anothai Soonsawat (စိတ်ကျန်းမာရေး အထူးကုဆရာဝန်ကြီး)မှ “စိတ်အားမလျော့ဘဲ စိတ်ပိုင်းဆိုင်ရာကြံ့ခိုင်မှု တည်ဆောက်ခြင်း (Mental Resilience)” ခေါင်းစဉ်ဖြင့် စိတ်ဖိစီးမှုနှင့် စိုးရိမ်ပူပန်မှုများကို အပြုသဘောဆောင်သော နည်းလမ်းများဖြင့် ရင်ဆိုင်ဖြေရှင်းရန် ဘဝ၏ စိန်ခေါ်မှုများကြားမှ ပြန်လည်ရုန်းထွက်နိုင်ရန် အဖိုးတန် ဗဟုသုတများကို မျှဝေပေးခဲ့ပါတယ်။
ထို့အပြင် ကိုယ်ခန္ဓာကျန်းမာကြံ့ခိုင်ရေးအတွက်လည်း Dr. Panuwat Silawatshananai (အရိုး၊ အကြော၊ အဆစ် အထူးကုဆရာဝန်ကြီး) မှ “အရိုးအဆစ် နာကျင်မှုမရှိစေဘဲ ကောင်းမွန်စွာလှုပ်ရှားသွားလာနိုင်ခြင်း (No More Hip and Knee Pain – Protect Your Mobility for Life)” ခေါင်းစဉ်ဖြင့် စိတ်ဝင်စားဖွယ်မျှဝေခဲ့ပြီး တက်ရောက်သူများမှ လှုပ်ရှားနိုင်စွမ်းနှင့် ညှိနှိုင်းထိန်းချုပ်နိုင်စွမ်း တိုးတက်စေရန် လေ့ကျင့်ခန်းများနှင့် အကြောလျှော့လေ့ကျင့်နည်းများကို လက်တွေ့အသုံးချနိုင်အောင် လေ့လာနိုင်ခဲ့ကြပါသည်။
ဘန်ကောက်ဆေးရုံကြီးသည် မြန်မာလူမှုအသိုင်းအဝိုင်းနှင့် ဆေးရုံသို့ လာရောက်ဆေးကုသမှုယူသူတိုင်း၏ ကျန်းမာရေးနှင့် လူမှုဘဝအရည်အသွေးကောင်းမွန်စေရန် ရည်ရွယ်၍ အပြုသဘောဆောင်သော အကျိုးသက်ရောက်မှုများဖန်တီးနိုင်ရေးကို စဉ်ဆက်မပြတ် ဝန်ဆောင်မှုများ ပေးလျက်ရှိပါသည်။
