ရောဂါဖြစ်စေနိုင်သော အန္တရာယ်အချက်များ
- ရိုးတွင်းချဥ်ဆီကင်ဆာဆိုသည်မှာ သွေးဖြူဥဆဲလ်အမျိုးအစားတစ်ခုဖြစ်သည့် သွေးရည်ကြည်ဆဲလ်တွင် တွေ့ရသော ကင်ဆာ ဖြစ်သည်။ သွေးရည်ကြည်ဆဲလ်သည် ရောဂါဖြစ်စေသည့် ပိုးမွှားများကို သတိပြုတိုက်ခိုက်ပေးသည့် ပဋိပစ္စည်းများ ပြုလုပ်ခြင်းဖြင့် ရောဂါပိုးများကို တိုက်ဖျက်ရန် ကူညီပေးသည်။ Multiple myelomaသည် ကင်ဆာဆဲလ်များကို ကျန်းမာကောင်းမွန်သော သွေးဆဲလ်များရှိသည့် ရိုးတွင်းချဥ်ဆီထဲတွင် စုပုံစေသည်။ သွေးရည်ကြည်ဆဲလ်၏အဓိက လုပ်ဆောင်ချက်မှာ ခန္ဓာကိုယ်ခုခံအားကောင်းအောင် antibodies (သို့) immunoglobulinခေါ်သည့် ပရိုတင်းများ ထုတ်လုပ်ပေးခြင်းဖြစ်သည်။
- သွေးရည်ကြည်ဆဲလ်ပမာဏသည် ပုံမှန်အားဖြင့် ရိုးတွင်းချဥ်ဆီ၌ အများဆုံး 2-3ရာခိုင်နှုန်းမျှသာ ပါဝင်သည်။ သို့ရာတွင် multiple myelomaသည် သွေးရည်ကြည်ဆဲလ်ပမာဏအား 10%အထပ် တိုးပွားလာကာ ခန္ဓာကိုယ်ခုခံပေးသော immunoglobulin ထုတ်လုပ်ပေးသည့် လုပ်ဆောင်မှုကို ချို့ယွင်းထိခိုက်ပျက်စီးလာစေသည်။ ထို့ကြောင့် ခန္ဓာကိုယ်၏အစိတ်အပိုင်းများတွင် ကင်ဆာဖြစ်စေသော အန္တရာယ်ရှိသည့်ပရိုတင်းများ အဖြစ်သို့ ပြောင်းလဲသွားသည်။ ဥပမာဆိုရသော် အရိုးပွခြင်း၊ အရိုးကျိုးခြင်း၊ ကျောက်ကပ် ကောင်းစွာ အလုပ်မလုပ်တော့ခြင်း၊ ရှိသင့်သည့် ကယ်လ်စီယမ်ပမာဏမှ အန္တရာယ်ဖြစ်စေသော ပမာဏသို့ ပြောင်းသွားခြင်းဖြစ်သည်။
- အများအားဖြင့်အသက် 60နှင့် 70ကြားအရွယ်တွင် အဖြစ်များကြသည်။ အသက်40အောက် အရွယ်တွင် ဖြစ်နိုင်ချေနည်းသည်။
- တစ်ခါတစ်ရံ သွေးရည်ကြည်ဆဲလ်လေးများသည် ရိုးတွင်းချဥ်ဆီအပြင်ဘက်တွင် အကျိတ်ပုံစံဖြင့် ရှိနေတတ်သည်။ ထိုသို့ဖြစ်သည်ကို ပလာစမာစီတိုမာဟုခေါ်၍ ကျောရိုး၊ ရင်ညွန့်ရိုး၊ နံရိုးတို့၌ အတွေ့များပါသည်။
- လက်ရှိတွင် multiple myeloma အတွက် ကုသခြင်းနည်းလမ်းမရှိသေးသော်လည်း ခေတ်မှီတိုးတက်လာသော ဆေးပညာဖြင့် လူနာအား သက်တမ်းစေ့ နေနိုင်ရန် အတိုင်းအတာတစ်ခုအထိ ကုသလာနိုင်ပါသည်။
